21:48 / 23-01-2022
Şeyma Mayamidə kafe açır
Bakı Bələdiyyə Teatrının 29 yaşı tamam oldu
Tarix: 11-11-2021 00:40 | Bölmə: Ədəbiyyat

Noyabrın 10-da Bakı Bələdiyyə Teatrının yaranmasının 29 illiyi qeyd olundu. 1992-ci ildə Azərbaycanın görkəmli teatr və kino aktrisası, Xalq artisti Amaliya Pənahovanın təşəbbüsü və rəhbərliyi ilə yaradılan teatrın ad günü, Azərbaycanda qeyd olunan Zəfər bayramına həsr edildi. Teatr ad günündə tamaşaçılar qarşısında “Nargin faciəsi” tamaşası ilə çıxış etdi. Yazıçı Rəfail Oğuztürk Dağlının “Nargin faciəsi” əsəri əsasında hazırlanan “Nargin faciəsi” tamaşası 1914-1915-ci illərdə rus-türk cəbhəsində Sarıqamış əməliyyatında əsir düşmüş və Nargin adasında çox ağır şəraitdə saxlanıldıqlarına görə əksəriyyəti həlak olmuş minlərlə türk əsgərinin və azərbaycanlı mülki şəxslərin xatirəsinə ithaf edilib. Tamaşanın bədii rəhbəri Amaliya Pənahova, rejissoru isə Tural Ağayevdir. Rolları Əməkdar artistlər Rafiq İbrahimov, Tofiq Bayramov, Əfqan Soltanov, Əhməd Salahov, “Humay” mükafatı laureatları Zülfiyyə Qurbanova, Tural Əhmədov, Cövdət Şükürov, Toğrul Rza, Asif Rəhimov, Rəşid Soltanov və Namiq Cavadov ifa ediblər. Tamaşa Azərbaycan-Türkiyə dostuluğunun tarixi köklərinə işıq salır və bu tamaşanı hazırlamaqda əsas məqsəd türkün birliyini göstərmək və tarixi şəxsiyyətlərimizi unudulmağa qoymamaqdır. Xatırladaq ki, Bakı Bələdiyyə Teatrının Zəfər yürüşünə həsr etdiyi tədbirdə Azərbaycanın tanınmış simaları, eləcə də Türkiyədən qonaqlar iştirak edirdi.
Sabaha-inamla.az




Baxış sayı: 153


Bölməyə aid digər xəbərlər
19-11-2021, 20:17 Nadir Əhməd-Şeirlər