ŞƏHİDLİYİN ZƏFƏR NƏĞMƏSİ-İSMAYIL MƏRCANLI İMANZADƏ
Tarix: 06-11-2021 02:47 | Bölmə: Ədəbiyyat


ŞƏHİDLİYİN  ZƏFƏR NƏĞMƏSİ
     (Allah cəmi şəhidlərimizə rəhmət eləsin!)

Tanrı dərgahınadır, Şəhidim, son səfərin,
Yadlara göz dağıdır, qazandığın Zəfərin.
Hamı sənə ürəkdən deyir, Əhsən, Afərin!
Vətən-yurd sevgisidir halal qazancın-varın –
Əbədi yolçususan nur saçan sabahların!

Qarı düşmən,- “Qarabağ-Azərbaycandır!”-dedin,
Torpağım, dağım-daşım ürəkdir-candır-dedin!
Şəhid ya Qazi olmaq, şərəfdir-şandır-dedin!
Nəqş elədin imzanı torpağa al qanınla –
Tanındın hər tərəfdə isminlə, ünvanınla!

Uğrunda can verdiyin hər qaış torpaq sənin,
Döyüş günü səsini əks etdirən dağ sənin.
Bayraqdarı olduğun üçrəngli bayraq sənin,
Şəhid ucalığında vətən daşına döndün –
Azadlıq nəğməsinə, Zəfər marşına döndün!

Ünyetməyən məkana qalxıb ölümsüz oldun,
Əhdində-peymanında, ilqarında düz oldun.
Qarı düşmən önündə hər an yenilməz oldun,
Məzarın and yeridir, adın hər qəlbdə naxış –   
Şəhidim, əhsən sənə, hünərinə min alqış!
31.10.2021
Mingəçevir şəhəri


Baxış sayı: 817


Bölməyə aid digər xəbərlər
15-04-2022, 11:23 Miraslan Rasim-Şeirlər