Professor Vüqar Əhməd daha bir ölkənin akademiki seçilib-TƏBRİK EDİRİK!
Tarix: 05-11-2021 17:32 | Bölmə: Ədəbiyyat


      AMEA Nizami Gəncəvi adına Ədəbiyyat İnstitutunun Mətbuat tarixi və publisistika şöbəsinin müdiri, filologiya elmləri doktoru, Türk Dünyası Araşdırmaları Beynəlxalq Elmlər Akademiyasının akademiki, Nyu-York Elmlər Akademiyasının üzvü, professor Vüqar Əhməd Özbəkistan Respublikası Mahpirat adına Orta Asiya Xalqları Tarixi İnstitutu, “Turan” Elmlər Akademiyasının Rəyasət Heyətinin akademiki seçilib və sözügedən qurumun medalı ilə təltif olunub.
      AMEA Nizami Gəncəvi adına Ədəbiyyat İnstit
utunun İctimaiyyətlə Əlaqələr şöbəsinin müdiri Gülnar Səma Sabaha-inamla.az-a bildirib ki, Vüqar Əhməd bu mükafata Azərbaycan və türk xalqları arasındakı dostluq, qardaşlıq münasibətlərinin güclənməsinə verdiyi töhfələrə, eləcə də türk dünyasının ədəbiyyatı və mədəniyyətinin inkişafındakı xidmətlərinə görə layiq görülüb.
     Özbəkistan Respublikası Mahpirat adına Orta Asiya Xalqları Tarixi İnstitutu, “Turan” Elmlər Akademiyasının Prezidenti, akademik Heydərbəy Bababəyov cənabları Vüqar Əhmədə Azərbaycanda elminin inkişafındakı xidmətlərinə görə akademik elmi adına layiq görüldüyünü bildirib və təbrik məktubu göndərib.

     Ötən həftə Vüqar Əhməd Türk Dünyası Araşdırmaları Beynəlxalq Elmlər Akademiyasının akademiki seçilmişdi.
    Xatırladaq ki, Vüqar Əhməd 40-dan çox elmi-ədəbi kitabların, monoqrafiyaların və dərsliklərin müəllifidir.  Elmi və bədii əsərləri rus, fars, ingilis, türk və başqa dillərdə dünyanın tanınmış nəşriyyat və dərgilərində çap olunmuşdur. Görkəmli ədəbiyyatşünas alim, sevimli şairimizi akademik adı alması münasibətilə təbrik edirik ona can sağlığı və elmi-ədəbi yaradıcılığında uğurlar arzulayırıq!
Sabaha-inamla.az


Baxış sayı: 173


Bölməyə aid digər xəbərlər
19-11-2021, 20:17 Nadir Əhməd-Şeirlər