Bütün xəbərlər
Moskvada “Nizami Gəncəvi İli”nə həsr olunmuş tədbir keçirilib
Tarix: 27-09-2021 22:53 | Bölmə: Ədəbiyyat


Xəbər verildiyi kimi, Azərbaycanda 2021-ci il “Nizami Gəncəvi İli” elan edilmişdir. Sentyabrın 26-da Moskvada Kavorkinq Mərkəzində dahi Azərbaycan şairi, dünya ədəbiyyatı korifeyi Nizami Gəncəvinin anadan olmasının 880 illiyinə həsr olunmuş tədbir keçirilib. Tədbir Moskva şəhərinin qərb inzibati dairəsində Azərbaycanlıların Milli-Mədəni Muxtariyyəti tərəfindən təkil edilib. Tədbirdə Rusiya və Azərbaycan alimləri, ədəbiyyatşünasları, Rusiyadakı Azərbaycan ictimaiyyətinin və diasporunun nümayəndələri iştirak ediblər.

Tədbirdə Moskva şəhərinin qərb inzibati dairəsində Azərbaycanlıların Milli-Mədəni Muxtariyyətinin sədri çıxış edərək qonaqları salayıb, tədbirdəki soydaşlarımızla, onların ailələri və uşaqları ilə görüşməkdən məmnun olduğunu bildirib. Əli Kazımov xalqımızın milli irsinin dəyərli sərvəti olan Nizami Gəncəvinin yaradıcılığının öyrənilməsi və gənc nəslin və uşaqların onun yaradıcılığına yiyələnməsinin əhəmiyyətindən danışıb.

Tədbirin aparıcısı, tarix elmləri doktoru Əşrəf Hüseynov bildirib ki, yazıçı və mütəfəkkirlərin əsərləri sərhəddən kənarda ölkələr və xalqlar arasında əlaqələrin genişləndirilməsinə xidmət edir. Bununla əlaqədar olaraq, Nizami Gəncəvinin yaradıcılığının əhəmiyyətini vurğulayıb, poetik və fəlsəfi fikrin zirvəsində dayanan dünyaca məşhur “Xəmsə”sini qeyd edib.

Çıxış edən Sultan Mərzili, Afaq Şıxlı, Əhməd Əbilov və başqaları dahi şair və mütəfəkkir Nizami Gəncəvinin irsinin və yaradıcılığının öyrənilməsi və təbliğinin vacibliyini qeyd edərək, Azərbaycan xalqının, mədəniyyətinin və qədim tarixinin böyüklüyünü bütün dünyaya bir daha nümayiş etdirəcəklərini vurğulayıblar.

Xatırladaq ki, tədbirə Azərbaycandan ədəbiyyatşünas ailmlər də onlayn olaraq  qoşulub Nizami Gəncəvi haqqında Moskvada belə bir tədbirin keçirilməsini yüksək qiymətləndiriblər.
Sonda müğənni Rəşad Cavadov Üzeyir Hacıbəyov tərəfindən Nizami Gəncəvinin “Sənsiz” qəzəlinin sözlərinə bəstələnmiş “Sevgili canan” qəzəl-romansını ifa edib.



Baxış sayı: 363


Bölməyə aid digər xəbərlər