23:50 / 18-03-2024
Prezident xalqı təbrik etdi
22:44 / 18-03-2024
Petr Yan sıradan çıxıb
Bütün xəbərlər
Azərkitabda “Mətləül-Etiqad” kitabının təqdimat mərasimi keçirilib
Tarix: 29-07-2021 15:08 | Bölmə: Ədəbiyyat


İyulun 27-də Azərkitab – Kitab Təbliğatı Mərkəzində Məhəmməd Füzulinin ərəb dilində qələmə aldığı “Mətləül Etiqad” elmi fəlsəfi əsərinin Azərbaycan dilinə tərcümə olunmuş kitabının təqdimat mərasimi keçirilib.
Tədbirdə çıxış edənlər Məhəmməd Füzuli yaradıcılığında xüsusi önəmi olan əsər haqqında danışaraq bildiriblər ki, Mətləül Etiqad əsərində dahi Füzulinin fəlsəfi və məntiqi görüşləri öz əksini tapıb.
Kitabı Azərbaycan dilinə tərcümə edən Təbriz Qasımov da öz növbəsində bildirib ki, əsərdə fəlsəfi mövzulara rəvan bir formada şərh verilib və istənilən oxucu əsəri oxuduqda Füzulinin fəlsəfi fikirlərindən bəhrələnə bilər.
Tədbirdə iştirak edən şəxslər öz növbələrində bildiriblər ki, bu kitab Azərbaycan oxucuları üçün yeni bir xəzinədir. Hər bir oxucu Azərbaycan dilinə tərcümə olunmuş əsəri mütaliə etməklə Füzuli fəlsəfəsi ilə yaxından tanış olmaq imkanı əldə edə bilər.
Qeyd edək ki, Mətləül Etiqad əsərini qələmə alarkən Məhəmməd Füzuli Aristotel, Platon, Demokrit və başqa yunan filosoflarının fikirlərindən, ən-Nizamın fəlsəfi irsindən təsirlənib. Füzuli irsinə bağlı olan oxucular artıq yenicə Azərbaycan dilinə tərcümə olunmuş “Mətləül Etiqad” elmi fəlsəfi əsəri ilə də yaxından tanış ola bilərlər.

Sabaha-inamla.az diqqətə çatdırır ki, Təbriz Qasımov Bakı Dövlət Universitetinin “İlahiyyat” fakultəsini bitirdikdən sonra İraqın Nəcəf şəhərinə getmiş və orada Nəhv, Məntiq, Üsul, Fiqh, Fəlsəfə dərslərində iştirak etmişdir. Daha sonra Qum Elmiyyə Hövzəsində fiqh və üsul elmlərini öyrənməklə yanaşı bir çox ustadların Məntiq (Farabinin “əl-Məntiqiyyat”, Xacə Tusinin “Şərhul-İşarat”), Fəlsəfə (Әllamə Təbatəbainin “Nihayətul-Hikmə, İbn Sinanın “əş-Şifa”, Molla Sədranın “əl-Әsfar”), Kəlam (Xacə Tusinin “Təcridul-Etiqad), Nəzəri İrfan (Qunəvinin Risalətun-Nusus) dərslərində iştirak etmişdir. Darul Hikmət Elm və Tədris Mərkəzində İlahiyyat dərslərini, o cümlədən İslam fəlsəfəsi və Yeni kəlam dərsini tədris edir.

İnteraztv.az
                          





Baxış sayı: 913


Bölməyə aid digər xəbərlər