DAYANMALISAN--İbrahim Yusifoğlu
Tarix: 26-04-2021 21:59 | Bölmə: Ədəbiyyat

DAYANMALISAN


Dünya bürünübdü haraya, küyə,
Əsl soyqırımdan yaxşı halısan.
Namərdlər önündə, Əziz Türkiyə,
Sən daha qürurlu dayanmalısan.

Bir iblis donunda erməni fəndi,
Məğrur Türk elinə qaralar yaxır.
Xocalı od tutdu, qana bələndi,
“Humanist” dövlətlər lal kimi baxır.

Əzəmət duyulur yüksəlişində,
Bütün cahan görür gözəl çağındı.
Parisi Londonu ağrıdan iş də,
Yenilməz bir dövlət yaratmağındı.

Canından, qanından artıq sevirlər,
Hər qarış torpağı igid ərlərin.
Sənə şər atanlar yaxşı bilirlər,
Haqq üçün döyüşüb cəngavərlərin.

Yazıqlıq pərdəsi çəkib üzünə,
Çatdırır dünyaya qırılmağını.
Acgöz ermənilər çıxır özünə,
Qeyrət simvolumuz Ağrı dağını.

Səni bu böhtanlar çətin ki, əyə,
Saxta soyqırımdan yaxşı halısan.
Namərdlər önündə, Ana Türkiyə,
Sən daha qürurlu dayanmalısan.


Baxış sayı: 215


Bölməyə aid digər xəbərlər
5-05-2021, 13:36 Fikrət Qoca vəfat etdi