Bütün xəbərlər
SEVDİM BU XOŞBƏXT RƏQƏMİ...-Təranə Arifqızı
Tarix: 21-03-2021 02:39 | Bölmə: Ədəbiyyat


SEVDİM BU XOŞBƏXT RƏQƏMİ...

Bu bahar bir başqa bahar,
Novruz təzə-tər kimidi.
Qarabağa ayaq qoyan
İğid oğul, ər kimidir.

Bu bahar bir başqa bahar,
İçində Qarabağ ətri var,

Azadlıq bayram çöçəsi,
Nə gözəl qoğal ətri var.

Bu bahar bir başqa bahar...
Çatılır tonqal Şuşada.
Dərdimizi yandırmışıq,
Çəkilir manqal Şuşada…

Bu bahar bir başda bahar…
Xarıbülbül düzdə açıb.
Kökü Cıdır düzündədir,
Çiçəkləri bizdə açıb…

Bu bahar bir başqa bahar..
Ağ gün doğub yığvalına.(taleyinə)
Məhzun gözlü Ağdamımın
Tələsirəm xoş çağına…

Bu bahar bir başqa bahar..
Çıdırda bayram odu var…
Hər saçılan qığılcımda
Nurüzlü şəhid adı var…

Bu bahar bir başqa bahar…
O gözəl vədə, bu vədə…
Daha hər sözün sonunda
Demirəm, gələn il bu vədə…

Bu bahar bir başqa bahar…
Əsrin adı iyirmi bir.
Bu gün martın iyirmi biri,
İl iki min iyirmi bir…

Bu bahar bir başqa bahar…
Uğurludu bəxt rəqəmi…
Azadlığın rəmzi kimi
Sevdim bu xoşbəxt rəqəmi...


Baxış sayı: 498


Bölməyə aid digər xəbərlər