Bütün xəbərlər
Sumqayıtda “Nizami Gəncəvi ili”nə həsr edilmiş Bilik yarışı keçirildi
Tarix: 20-03-2021 13:12 | Bölmə: Ədəbiyyat


11 mart 2021-ci il tarixindən Sumqayıt şəhər Gənclər və İdman Baş İdarəsinin və Sumqayıt İntellekt Mərkəzinin birgə təşkilatçılığı ilə Zoom platformasında “Nizami Gəncəvi ili” nə həsr edilmiş onlayn Bilik Kuboku yarışının keçirilməsinə start verilmişdir.
Üç mərhələdən ibarət bilik yarışının açılışında ilk öncə şəhidlərin əziz xatirəsi bir dəqiqəlik sükutla yad edilmişdir.
Yarışın moderatoru açılış mərasimində çıxış edərək yarışın məqsədinin Azərbaycan Respublikasının Prezidenti cənab İlham Əliyevin müvafiq sərəncamı ilə 2021-ci ilin “Nizami Gəncəvi ili” elan edilməsi ilə əlaqədar tədbirlərin həyata keçirilməsi, “Azərbaycan gəncliyi 2017-2021-ci illərdə” Dövlət Proqramından irəli gələn məsələlərin həlli, gənclərin intellektual səviyyəsini və dünyagörüşünün artırılması eyni zamanda asudə vaxtın səmərəli təşkili istiqamətində yeni üsullar tətbiq etmək olduğunu bildirmişdir.
Yarışın ilk mərhələsində şəhərin orta ümütəhsil, peşə və orta ixtisas təhsil müəssisələrini təmsil edən 16-18 yaşarası yeniyetmə və gənclərdən ibarət 8 komanda iştirak etmişdir. Gərgin şəraitdə keçən ilk mərhələdə I yerə Sumqayıt şəhər 31 saylı tam orta məktəbin “Mübarizlər”, II yerə Xidmət Sahələri üzrə Sumqayıt Dövlət Peşə Təhsil Mərkəzinin “Sənətkarlar”, III yerə isə Sumqayıt şəhər 17 saylı tam orta məktəbin “Dəmir yumruq” komandaları layiq görülmüşlər.
17 mart tarixində keçirilən II mərhələdə isə şəhərin müxtəlif sahələrini təmsil edən 19-22 yaşarası gənclərdən ibarət 6 komanda iştirak etmişdir. Maraqlı müstəvidə davam edən yarışda I Yeri Sumqayıt “ASAN Xidmət” Mərkəzinin “Sirlər Xəzinəsi” , II yeri Sumqayıt Könüllü Cəmiyyətinin “Xarı Bülbül”, III yeri isə Gənclər Evinin “Qarabağ Əfsanələri” komandalar tutmuşlar.
Bilik yarışının əsasnaməsinə uyğun 18 mart tarixində keçirilən super final oyununda isə hər iki məhələdə ilk iki yeri tutan komandalar birincilik uğrunda mübarizə aparmış, nəticədə Sumqayıt şəhər 31 saylı tam orta məktəbin “Mübarizlər” komandası yüksək nəticə göstərərək “Nizami kuboku”nu qazanmışlar.
Qeyd edək ki, yarışın hər üç mərhələsi üzrə qalib komandalar və üzvləri şəhər Gənclər və İdman Baş İdarəsinin fəxri fərman, medal, kubok və hədiyyələri ilə təltif olunmuşlar.


Sabaha-inamla.az














Baxış sayı: 381


Bölməyə aid digər xəbərlər