Eldar İsmayılın yeri həmişə görünəcək!-ƏZİZ ƏLƏKBƏRLİ,MİLLƏT VƏKİLİ
Tarix: 21-02-2021 21:50 | Bölmə: Ədəbiyyat

Eldar İsmayıl çağdaş Azərbaycan poeziyasının tanınmış nümayəndələrindəndir. Çoxlu sayda dəyərli publisistik və nəsr əsərlərinin müəllifidir.
10 mart 1942-ci ildə Göyçə mahalının Çəmbərək rayonunun Ağbulaq kəndində anadan olmuş, 1972-1977-ci illərdə Azərbaycan Dövlət Universitetində təhsil almışdı.
İlk mətbu əsəri - "Kəndimiz" şeiri Eldar Ağbulaqlı imzası ilə 1961-ci ildə nəşr olunub.
"Ulu Göyçə", "Mən kiməm", "Türkün xilaskarı", "Ulu Turan yolunda" adlı poemaların, "Göyçənin qisası qalır", "Səttar oğlu" kimi tarixi romanların, "Məndən ötrü Ermənistan yoxdu, yox", "Ağrı dağı qədər ağrılarım var", "Ermənistan türklərinin 1988-ci il soyqırımı" publisistik əsərlərinin müəllifidir.
2003-cü ildən AYB-nin üzvü olub.
Türk xalqına, Türkiyə Cümhuriyyətinin banisi Atatürkə həsr olunmuş "Türkün xilaskarı" (2005) poemasına görə Türk Dünyası Araşdırmaları Uluslararası Elmar Akademiyası Yüksək Yönetim Kurulunun qərarı ilə Türk ədəbiyyatının inkişafında xidmətinə görə "Türk Ədəbiyyatına Hizmət" beynəlxalq ödülü ilə mükafatlandırılmışdır.
Allah rəhmət eləsin!
Eldar İsmayılın "Ağrı dağı qədər ağrılarım var" kitabına (1999) yazdığım "Ön sözə" o vaxt belə bir başlıq qoymuşdum: "İtirdiklərimizin bir daha fərqinə vardım..." Eldar İsmayılın həmin kitabı haqqında demişdim bu sözləri. İndi həmin sözləri bir az fərqli şəkildə Eldar müəllimin özü haqqında da demək istəyirəm: "Eldar müəllimin yeri həmişə görünəcək".


Baxış sayı: 137


Bölməyə aid digər xəbərlər
8-05-2021, 23:25 ELMDƏN UCA -Ramiz QASIMOV
5-05-2021, 13:36 Fikrət Qoca vəfat etdi