Bu gün biz qalibik, çünkü xalq güvəndiyi, seçdiyi, liderin yanında idi-Ülviyyə Vasifqızı
Tarix: 23-12-2020 18:43 | Bölmə: Ədəbiyyat


    Azərbaycan xalqının ən böyük mükafatı Allahdan verilib.Allah bu xalqa dahi bir lider bəxş edib: Heydər ƏLİRZA OĞLU ƏLİYEV. MƏN UŞAQLIQDAN BU GÜNƏ BU DAHİ İNSANIN FANATI OLDUM. DÜNYANIN İKİ ÖLKƏSİNƏ,  TÜRK  DÜNYASINA ALLAH İKİ SEÇİLMİŞ ŞƏXSİYYƏT BƏXŞ EDİB: BİRİ DƏ TÜRK DÜNYASININ ATATÜRKÜ. Bəli, hər iki dahi insan türk dünyasının Allah tərəfindən bəxş edilən böyük siyasətin    güclü liderləri.
   Hər iki şəxsiyyət vətənləri üçün çalışan, vətənin zirvələrə qaldıran, xalqın əsil atası adına layiq görülən şəxsiyətlərdi.
   Mən Ulu öndər haqda günlərlə, aylarla danışsam bitməz.  Mən bir fanat olduğum üçün demirəm, bir xalqın nümayəndəsi kimi deyirəm. Biz xoşbəxt xalqıq ki, bizim Ulu öndərimiz var.Bəli, ayın 24- ü bu xalqın üzünə doğan günəşin gözlərindən nur axan, ürəyində Vətən, xalq sevgisi olan ikinci liderin,  cənab Prezidentin, İlham Əliyevin doğum günüdü . Yenə türk dünyasına iki lider, iki tarixi şəxsiyyət bəxş edib Allah.  Biri İlham, biri Ərdoğan.  Mən bunu nahaqdan sizə anlatmıram, çünkü iki dahi Heydər, Atatürk və iki dahi İlham, Ərdoğan.  Allah bu insanlrı türk dünyasına  bir hədiyyə edib. Allah köçən dahilərimizə rəhmət, bu günkü dahilərə uzun ömür nəsib etsin. Amin!
    Mənim gözəl xalqım, bu gün bizim Ali Baş Komandandan danışaq, bəli, 17 ildi bu Vətən üçün gecəsin- gündüzə qatıb, öz- odundan dünya xalqlarına  pay verən, öz   qoynunu dünyaya açan odlar yurdun bütün dünya tanıdı və  müharibə şəraitində yaşayan Azərbaycan    milyon məcburi köçkünü ilə 13 mindən artıq şəhidi olan Vətən yenilmədi. Ali Baş Komandan məcburi köçkün və qaçqınları  çadırdan, vaqonlardan tikdirdiyi gözəl evlərə köçürtdü.  Onların həyat tərzin  yaxşılığa doğru dəyişdi. Azərbaycan "Yevrovijn" və olimpia  avropa oyunlarını keçirtdi. Azərbaycan öz qaz, nefti ilə dünyada tanındı. Biz 30 ilə yaxın torpaqlarımızı işgaldan azad edə bilmirdik. Nədən? Sual verə bilərsiniz. Çünkü bizim Ali Baş Komandan BMT-nin qərarın pozmurdu, sülhün olacağına səbirlə dözürdü və qan tökülməsin istəmirdi, xalqın qorumaq istəyirdi. Lakin azğın ermənilərin azğınlaşdığına, özbaşınalıqlarına dözmək olmadı, onun da səbri tükəndi, xalqına müraciət etdi, səfərbərlik etdi. Xalq bir yumruq olaraq Ali Baş Komandanın  ətrafında birləşdi. Bu gün biz qalibik, çünkü xalq güvəndiyi, seçdiyi, liderin yanında idi. Görünməyən bir hadisə, heç bir dövlətin gözləmədiyi bir rekord vuran müharibədə- 44 gün ərzində Azərbaycan oğulları sinə gərdi meydanda, düşmənə qan uddurdu, illərin qisasın 44 günə aldılar. Şəhidlər verdik, mülki vətəndaşlar itirdik,  lakin zəfər çaldı  Azərbaycan ordusu. Bəli, bu Ali Baş Komandanın illərlə yürütdüyü siyasəti nəticəsində oldu.2800-dən çox şəhidi olan və 1000-lə yaralıları olan xalq, Vətən sağ olsun deyir. Bu vətənin sevimli oğlu İlham Əliyevin zəfəridi.
    Biz bu gün Allaha şükr edir, bu xalqa iki dahi bəxş etdiyi üçün xoşbəxt xalqığ.Allah  cənab İlham Əliyevə uzun ömür  versin və ömürlük bu xalqın lideri qalması üçün  dualar edirik. İlhamı xalqa, xalqı İlhama çox görməsin  yaradan. Amin.
   Ad gününüz mübarək cənab Ali Baş Komandan!
Ülviyyə Vasifqızı, şairə

İlhamla irəli

Bir günəş tək sən doğuldun Azərbaycana,
Ay da sənin qədəminə nurlar çilədi.
Ulduzlar da sevinc ilə düzülüb göyə,
Bir dahinin gəlişini yerə söylədi.

Azərbaycan! Dahilərin beşiyisən sən.
Cəsurların, igidlərin sayı bilinməz.
Sənin doğma qucağında yaratdıqların,
Bu dünyanın heç yerində yarana bilməz.

Bu torpağın havasından,suyundanmıdır?
Qəhrəmandır hər övladı,hər vətəndaşı.
Xətainin qılıncının gücüylə bir vaxt
Azad oldu vətənimin torpağı, daşı.

Bu gün tarix təkrarlandı,şükürlər olsun!
Ulu öndər işıq saçdı Azərbaycana.
Onun doğma vətəninə verdiyi oğul
Bu dövləti tanıtdırdı cümlə cahana.

Bu torpağın sərvətində gözü olanlar
Bildilər ki,bu torpaqlar sahibsiz deyil.
Bir zamanlar bu ölkəyə diş qıcayanlar,
İndi bizim önümüzdə başını əyir.

İndi dahi bir lideri vardır bu xalqın,
Bu lider bir xilaskardır,xalq da sevəni.
Əməliylə sübut etdi xilaskar adın,
44 günə xilas etdi doğma vətəni.

İndi sən oldun bu xalqın dahi lideri,
İşıqlı,nurlu sabaha apar vətəni.
Qoy səs salsın bu dünyaya uğurlarımız,
Addımlasın vətənimiz İlhamla irəli!


Ülviyyə Vasifqızı, şairə


Baxış sayı: 515


Bölməyə aid digər xəbərlər
14-12-2020, 17:32 Məşhur yazar vəfat etdi