Leyla Əliyeva Ali Baş Komandana şeir həsr etdi
Tarix: 15-11-2020 19:22 | Bölmə: Ədəbiyyat

                  Leyla Əliyeva Ali Baş Komandana şeir həsr etdi


Heydər Əliyev Fondunun vitse-prezidenti Leyla Əliyeva Ali Baş Komandan İlham Əliyevə Vətən müharibəsində qazanılan zəfər münasibətilə "Əsgər" şeirini həsr edib.
“Qafqazinfo” bildirir ki, Leyla Əliyeva şeiri şəxsi instaqram hesabında paylaşıb.
Şeiri rus dilindən Aydan Xəndan tərcümə edib.
Həmin şeiri təqdim edirik:
Əsgər, əsgər yurdun oğlu,
İnanır haqqa, zəfərə!
Sükutun səsin dinləyir
Bağlıdır nurlu vətənə!

Güllədən qorxusu yoxdur,
Günəşi dağlar heç örtməz
Əsgər bilir sevgi nədir
Ədalətdən üz döndərməz!

Yoxdur qorxu ürəyində
Gecə bitsin, səhər gəlsin!
Zülmətdən qorxmaq dərd deyil!
Təki günəş heç sönməsin!

O, Allahın kəlamını
Könlündə bir yazı bilir,
Dünyanın ağır yükünü
Çiyinlərində gəzdirir.

Əsgər müqəddəs bir gündə
Xalqı naminə doğulub,
Cəhalətin kor kölgəsi
Onun nuruyla yox olub!

O, iftiradan uzaqdır,
O, məzlumlar yanındadır
O, Allahın yazısıyla
Həyatını yaşayandır!

Əsgər zirvələr zirvəsi,
Onun yeri yüksəklərdir!
O, vicdanın, xalqın səsi,
Həqiqətə and içəndir!

Onun üçün bu dünyada
Eldən uca heç nə yoxdur!
Paklıq, mərhəmət doludur
Onun yolu, haqq yoludur!

Qorxu nədir bilməz əsgər,
O, Allahın balasıdır
Açıqdır yolu dünyaya
Yaddaşlarda qalasıdır!


Baxış sayı: 202


Bölməyə aid digər xəbərlər
10-11-2020, 01:39 İbrahim Yusifoğlu- Şuşa
8-10-2020, 00:47 BİZ HAQQ SAVAŞINDAYIQ