MƏMMƏD ARAZA MƏKTUB-Əbülfəz Muxtaroğlu
Tarix: 29-10-2020 00:05 | Bölmə: Ədəbiyyat


MƏMMƏD ARAZA MƏKTUB

Gözün aydın Məmməd Araz!
“Qoca Vulkan” oyanıbdı.
Arxasında türk lideri,
Mərd Ərdoğan dayanıbdı.

Baş komandan – Heydəroğlu
Qarabağa cızıb yolu.
Bayrağımız sağı-solu,
Yollar nura boyanıbdı.

Çürük ipdən yumaq olmaz,
Əsil kökə yamaq olmaz.
İlhamla oynamaq olmaz,
Bu dünya indi qanıbdı.

Açılmayan sirr olmuşuq,
Bir müqəddəs pir olmuşuq.
Yumruq kimi bir olmuşuq!
Dığa bizi nə sanıbdı?!

Üzüm gülür gördükcə mən,
Gülür Vətən, açır çəmən.
Dünən qan-qan deyən düşmən,
Boynun büküb, sozalıbdı.

Şehlənibdir xarıbülbül,
Vəcdə gəlib sarı bülbül.
Səslə gəlsin sarı bülbül,
Şuşam yenə ballanıbdı.

Qocalığı, korluğu yıx,
Muxtaroğlu, səfərə çıx.
Qarabağı köksünə sıx!
Deməsinlər qocalıbdı.

Əbülfəz Muxtaroğlu,
Filologiya üzrə fəlsəfə doktoru, dosent,
Azərbaycan Yazıçılar Birliyinin üzvü
Naxçıvan. 20.X.2020


Baxış sayı: 209


Bölməyə aid digər xəbərlər
14-12-2020, 17:32 Məşhur yazar vəfat etdi