09:32 / 11-10-2025
İki anbar yanıb
Bütün xəbərlər
"Politico": Çexiya seçkilərdən sonra Avropa üçün daha bir başağrısına çevrilə bilər
Tarix: 05-10-2025 13:42 | Bölmə: Dünya

Çexiyada keçirilən parlament seçkilərinə rəhbərlik edən keçmiş baş nazir və avroskeptik Andrey Babişin rəhbərlik etdiyi Narazı Vətəndaşların Fəaliyyəti (ANO) partiyası bütün Avropa üçün yeni başağrısına çevrilmək riski daşıyır.

Sabaha-inamla.az rus mətbuatına istinadən xəbər verir ki, bu, “Politico”nun verdiyi qiymətləndirmədir.
Səslər hesablandıqdan sonra ANO 34,5% səs toplayıb. Müxalifət hərəkatı parlamentin aşağı palatasında 200 yerdən 80-ni qazanıb.
"Politico" yazır ki, Andrej Babiş müdafiə xərclərinin artırılmasına qarşı çıxıb və həmçinin Ukrayna Silahlı Qüvvələrinə döyüş sursatlarının ötürülməsi təşəbbüsünün mümkün ixtisarından danışıb. Bütün bunlar Praqanın xarici siyasətində dəyişikliyə səbəb ola bilər.
Məqalədə deyilir: “Səsvermənin nəticələri Çexiyanı Aİ üçün növbəti başağrısına çevirmək təhlükəsi yaradır.
“Reuters” həmçinin yazır ki, 2017-2021-ci illərdə baş nazir olmuş Babiş partiyasının qələbəsi Avropada populist, anti-immiqrant düşərgəsini gücləndirəcək və Ukraynaya dəstəyi azaldacaq hökumətin qurulması ehtimalını artırır.
"Reuters" qeyd edir ki, kampaniya zamanı ANO daha sürətli artım, yüksək maaş və pensiyalar, həmçinin tələbələr və gənc ailələr üçün aşağı vergilər və vergi güzəştləri vəd edib.
Agentlik yazır: "Milyardlarla avro tələb edən bu vədlər qənaət siyasətinə son qoyacaq. Bu vədlər son illərdə inflyasiyanın artması səbəbindən real gəlirləri kəskin şəkildə aşağı düşmüş bir çox çexlərdə rezonans doğurub".
Prezident Petr Pavelin bazar günü Deputatlar Palatasına daxil olan bütün siyasi qüvvələrin liderləri ilə görüşü gözlənilir.



Baxış sayı: 85


Bölməyə aid digər xəbərlər
4-10-2025, 20:09 Partlayış baş verib