Bütün xəbərlər
Cənubi Koreya və ABŞ birgə KXDR-i nüvə silahından təmizləməyi planlaşdırır
Tarix: 01-08-2025 08:33 | Bölmə: Dünya

Cənubi Koreyanın xarici işlər naziri Ço Hyun və ABŞ dövlət katibi Marko Rubio danışıqlar zamanı ikitərəfli münasibətlərin əsas məsələlərini müzakirə ediblər və Şimali Koreyanı nüvə silahından birgə təmizləmək barədə razılığa gəliblər.
Sabaha-inamla.az rus mətbuatına istinadən xəbər verir ki, bu barədə TASS Koreya Respublikası Xarici İşlər Nazirliyinə istinadən məlumat yayıb.
“Nazir və dövlət katibi KXDR-in tam nüvəsizləşdirilməsi məqsədinə qəti şəkildə riayət etmək barədə razılığa gəliblər”, - deyə, məlumatda bildirilir.
Bundan əlavə, tərəflər birgə müdafiə, iqtisadiyyat və qabaqcıl texnologiyalar sahəsini dəstəkləmək barədə razılığa gəliblər.
Ço Hyun və Rubio həmçinin Cənubi Koreya, Amerika Birləşmiş Ştatları və Yaponiya arasında üçtərəfli tərəfdaşlığın inkişafını müzakirə ediblər.
Bundan əvvəl KXDR Ali Xalq Məclisinin sədri Pak İn Çol ABŞ və Cənubi Koreyanın nüvə müharibəsinə hazırlığının təhlükəli mərhələyə keçdiyini bildirib. O, həmçinin qeyd edib ki, ABŞ və onun müttəfiqləri öz hegemonluğunu qorumaq üçün xaos və qeyri-sabitliyə təhrik edir.



Baxış sayı: 41


Bölməyə aid digər xəbərlər