Bütün xəbərlər
Nyu Yorkda legioner xəstəliyindən öldü, 22 nəfər daha yoluxdu
Tarix: 31-07-2025 16:57 | Bölmə: Dünya

Nyu Yorkda bir nəfər legioner xəstəliyindən dünyasını dəyişib.

 Sabaha-inamla.az rus mətbuatına istinadən xəbər verir ki, bu barədə şəhərin səhiyyə idarəsinə istinadən ABC telekanalı məlumat yayıb.
Ən azı daha 22 nəfərin yoluxduğu da məlum olub.
Daha əvvəl bildirilmişdi ki, Nyu-York rəsmiləri Manhettendə legionerlərin xəstəliyi hallarını aşkar etdikdən sonra keçən həftə sonu araşdırmaya başlayıb.
“Nyu-Yorkda legioner xəstəliyinin alovlanması nəticəsində bir nəfər ölüb, ən azı 22 nəfər bu xəstəliyə yoluxub”, - telekanal xəbər verir.
Manhettenin Harlem məhəlləsində, eləcə də yaxın ərazilərdə yoluxma halları qeydə alınıb.
Şəhərin səhiyyə departamenti insanları xəstəliyin təhlükələri barədə xəbərdar edib və qripə bənzər simptomlar hiss etdikdə dərhal həkimə müraciət etməyə çağırıb.
Qeyd olunur ki, risk qrupuna 50 yaşdan yuxarı insanlar, daimi siqaret çəkənlər, immun sistemində problem olanlar daxildir.
“Legioner xəstəliyi” və ya legionellyoz ağciyərin zədələnməsi ilə müşayiət olunan kəskin yoluxucu xəstəlikdir. Tanınmış pnevmoniyadan praktiki olaraq heç bir fərqi yoxdur.



Baxış sayı: 45


Bölməyə aid digər xəbərlər