Bütün xəbərlər
İran XİN: ABŞ İranın nüvə proqramına dəyən ziyanı kompensasiya etməlidir
Tarix: 31-07-2025 11:46 | Bölmə: Dünya

Vaşinqton ABŞ Silahlı Qüvvələrinin zərbələri nəticəsində İranın nüvə proqramına dəyən zərəri kompensasiya etməlidir.

 Sabaha-inamla.az rus mətbuatına istinadən xəbər verir ki, bunu “Financial Times” qəzetinə müsahibəsində İslam Respublikasının XİN rəhbəri Abbas Əraqçi deyib.
Onun sözlərinə görə, bu, danışıqlar prosesinin bərpası üçün ilkin şərtdir.
“Onlar (İrana) vurduqları zərəri kompensasiya etməlidirlər”, o, nəşrə deyib.
Əraqçi həmçinin qeyd edib ki, ABŞ İslam Respublikasına qarşı təcavüzünü izah etməli və bundan sonra heç bir zərbənin olmayacağına zəmanət verməlidir.
Bundan əvvəl İsrailin baş naziri Benyamin Netanyahu Rusiya prezidenti Vladimir Putinlə telefon danışığında İranın nüvə proqramını müzakirə edib.
İyulun 31-də Vaşinqton Tehrana qarşı indiyədək ən böyük sanksiyalar paketini təqdim edib.



Baxış sayı: 46


Bölməyə aid digər xəbərlər