Bütün xəbərlər
BMT Baş Assambleyası Fələstinin hüquqlarını genişləndirir
Tarix: 10-05-2024 21:07 | Bölmə: Dünya


BMT Baş Assambleyası Fələstinin təşkilatdakı hüquqlarını genişləndirən qətnamə qəbul edib və həmçinin Təhlükəsizlik Şurasına ölkənin BMT-yə üzvlüyünə müsbət mənada yenidən baxmağı tövsiyə edib.
Sabaha-inamla.az rus mətbuatına istinadən xəbər verir ki, əvvəllər Fələstin dünya təşkilatında müşahidəçi statusuna malik idi, İsrail isə 1948-ci ildən BMT-nin tamhüquqlu üzvüdür. Bu ilin aprelində ABŞ BMT Təhlükəsizlik Şurasında Fələstinin BMT-yə qəbulunu tövsiyə edən Əlcəzairin qətnaməsinə veto qoyub.
Mayın 10-da qəbul edilən qətnamə “Təhlükəsizlik Şurasına bu məsələyə müsbət baxmağı tövsiyə edir”. Nizamnamənin 4-cü maddəsi müəyyən öhdəlikləri qəbul edən “sülhsevər” ölkələr üçün təşkilata üzvlüyün açıq olduğunu müəyyən edir.
BMT Baş Assambleyası qərara gəlir ki, Fələstinə indi dünya təşkilatında əlavə imtiyazlar veriləcək, məsələn, ölkə dövlət qrupları adından bəyanatlar verə biləcək, həmçinin BMT konfranslarında iştirak edəcək.
Bundan əlavə, qətnamə Fələstin xalqının öz müqəddəratını təyinetmə hüququnu, o cümlədən müstəqillik hüququnu təsbit edir. Bununla belə, ölkənin Baş Assambleyada səs vermək hüququ olmadığı qeyd edilir.
Fələstinin BMT-yə üzvlüyünə qəbulu Təhlükəsizlik Şurasının tövsiyəsi ilə Baş Assambleyanın qərarı ilə həyata keçirilir. Bu sənədin Təhlükəsizlik Şurası tərəfindən təsdiqlənməsi üçün Şuradakı 15 səsdən 9-nun müsbət səsi tələb olunur.


Baxış sayı: 136


Bölməyə aid digər xəbərlər