Bütün xəbərlər
Təl-Əvivdə polis hökumət əleyhinə aksiyanı su şırnaqları ilə dağıdıb
Tarix: 24-02-2024 23:09 | Bölmə: Dünya

Təl-Əviv polisi hökumət əleyhinə icazəsiz aksiyanı dağıtmaq üçün su şırnaqlarından istifadə etməli olub.
Sabaha-inamla.az rus mətbuatına istinadən xəbər verir ki, yüzlərlə etirazçı şəhərin mərkəzində yerləşən inzibati binalar kompleksinin qarşısına toplaşıb. Onlar təhlükəsizlik qüvvələrinin evə getmək tələblərinə tabe olmayıblar.
RİA Novosti-nin verdiyi məlumata görə, aksiya iştirakçıları növbədənkənar seçkilərin keçirilməsi və baş nazir Benyamin Netanyahunun istefası tələbi ilə qışqırmağa başlayıblar.
Hüquq-mühafizə orqanlarının əməkdaşları yaxınlıqdakı küçələri bağlayıb və bir neçə fəalı həbs ediblər.
İsraildə vaxtaşırı ötən il oktyabrın 7-də HƏMAS yaraqlılarının hücumu zamanı əsir götürülən girovların qohumlarının mitinqləri keçirilir. Vətəndaşlar ölkə rəhbərliyindən yaxınlarının geri qaytarılması üçün bütün mümkün tədbirləri görməyi tələb edirlər.




Baxış sayı: 75


Bölməyə aid digər xəbərlər