Bütün xəbərlər
Qırmızı dənizdə husilərin raket hücumu nəticəsində yük gəmisi zədələnib
Tarix: 13-02-2024 10:10 | Bölmə: Dünya

Bazar ertəsi, fevralın 12-də qiyamçı husilərin Ənsar Allah hərəkatı Qırmızı dənizdə yük gəmisinə iki raket zərbəsi endirib.
Sabaha-inamla.az rus mətbuatına istinadən xəbər verir ki, hücum barədə ABŞ Mərkəzi Komandanlığı (CENTCOM) X sosial şəbəkəsində məlumat yayıb.Qeyd edildiyi kimi, husilər tərəfindən nəzarət etdikləri Yəmən ərazisindən Bab əl-Məndəb boğazı istiqamətində iki raket atılıb. Hücumun hədəfi "MV Star Iris" yük gəmisi olub.
CENTCOM-un məlumatına görə, hücum nəticəsində gəmiyə cüzi ziyan dəyib. Ekipaj üzvlərindən heç biri xəsarət almayıb.
Qəzzada qarşıdurmanın şiddətlənməsindən sonra husilər İsrail ərazisinə zərbələr endirəcəkləri və yəhudi dövlətinə bağlı gəmilərin Qırmızı dəniz sularından və Bab əl-Məndeb boğazından keçməsinə icazə verməyəcəkləri barədə xəbərdarlıq ediblər. İsrail anklavda hərbi əməliyyatları dayandırmayana qədər. 2023-cü ilin noyabr ayının ortalarından Husilər Ədən körfəzi və Qırmızı dənizdə onlarla gəmiyə hücum edib.


Baxış sayı: 66


Bölməyə aid digər xəbərlər