Bütün xəbərlər
Çexiyada ən böyük həmkarlar ittifaqı tətili keçirilir
Tarix: 27-11-2023 10:54 | Bölmə: Dünya

Bu gün Çexiyada ölkə tarixində ən böyük fəhlə tətili keçirilir - müəssisə və firmaların 1 milyona yaxın işçisi, həmçinin ibtidai və orta məktəblərin işçilərinin təxminən 70%-i işləməkdən imtina edib.
Sabaha-inamla.az rus mətbuatına istinadən xəbər verir ki, bir çox şəhərlərdə mitinqlər və yürüşlər planlaşdırılır. Onların ən böyüyü Praqada Deputatlar Palatasının və Senatın binaları qarşısında baş tutmalıdır.
“Etiraz Günü”nün təşkilatçıları respublikanın aparıcı həmkarlar ittifaqı mərkəzləri idi: Çexiya-Moraviya Həmkarlar İttifaqları Konfederasiyası (CMTU) və Müstəqil Həmkarlar İttifaqları Assosiasiyası (ANP).
Həmkarlar ittifaqı rəhbərlərini hökumət tərəfindən hazırlanmış dövlət subsidiyalarının azaldılması, bəzi vergi güzəştlərinin ləğvi və ƏDV-nin artırılmasını nəzərdə tutan qanun layihəsi qəzəbləndirib. Bundan əlavə, insanlar pensiya yaşının artırılması və ödəniş prosedurunun dəyişdirilməsi ilə bağlı aparılan pensiya islahatıyla razılaşmırlar.
"İnsanlar hazırkı vəziyyətdən qəzəblənirlər, hakimiyyətin onları eşitmədiyinə inanırlar, buna görə də yüz minlərlə işçi etirazımızı dəstəkləməyə hazırdır"-CMKP rəhbəri Josef Strshedula deyib.


Baxış sayı: 93


Bölməyə aid digər xəbərlər