Bütün xəbərlər
Fələstinin Rusiyadakı səfiri: "Qəzza zolağı heç vaxt İsrail torpağı olmayacaq"
Tarix: 12-11-2023 23:33 | Bölmə: Dünya

Sabaha-inamla.az rus mətbuatına istinadən xəbər verir ki, Fələstinin Rusiyadakı səfiri Əbdül Hafiz Nofəl bildirib ki, Fələstin hakimiyyəti təxliyə və ölkələrini tərk etmək niyyətində deyil. O vurğulayıb ki, Fələstin “İsrail torpağı deyil və heç vaxt olmayacaq”. Nofəlin sözlərinə görə, hazırda ən vacibi müharibəni dayandırmaq və mülki insanları qorumaqdır.
"Bu, bizim ərazimiz, ölkəmiz, torpağımızdır. Onlar (İsrail hərbçiləri - red.) hər gün insanları öldürürlər, lakin insanlar getməyə hazır deyillər", - diplomat bildirib.
Qəzza zolağından Rəfəh keçid məntəqəsi vasitəsilə əcnəbilərin təxliyyəsinə gəlincə, səfir qeyd edib ki, hazırda məntəqənin atəşə tutulması yoxdur, orada təhlükəsizlik təmin edilir, lakin vəziyyət daim dəyişir. Təxliyyənin “dalğalar” şəklində baş verib-verməyəcəyi Misir və İsraildən asılıdır.
"İsrail gah keçid məntəqəsini bağlayır, gah da onun işini koordinasiya edir. Son iki gündə onlar evakuasiya və humanitar yardım məsələlərində normal qarşılıqlı əlaqədə olurlar. Amma sabah nə baş verəcəyini bilmirik", - TASS Nofələ istinadən yazır.
Diplomat Rusiya Səhiyyə Nazirliyinin yaralıların təhlükə zonasından çıxarılması üçün göstərdiyi səyləri qeyd edib. Lakin İsrail tərəfinin mövqeyinə görə bunu etmək hələ də çətindir, deyə, o əlavə edib.
HƏMAS hərəkatının saxladığı girovlara gəlincə, mübadilə məsələsində hələlik heç bir irəliləyiş yoxdur. Hələlik bunlar yalnız bəyanatlar və danışıqlardır, lakin “əslində heç bir icraat yoxdur”, Nofəl bildirib.
Üçüncü ölkələrin Fələstin-İsrail münaqişəsinə cəlb olunması təhlükəsindən danışan diplomat belə bir riskin böyük olduğunu qeyd edib.
“Biz bunu ilk gündən dedik: İsrail quruya hücum edərsə, bu münaqişənin genişlənməsi ola bilər” deyib.
Bundan əvvəl 70 rusiyalının İsrailin HƏMAS yaraqlılarına qarşı hərbi əməliyyat keçirdiyi Qəzza sektorunu tərk edə bildiyi bildirilirdi. Fələstin anklavı blokadada olduğundan oradan çıxış yalnız Rəfah keçid məntəqəsi vasitəsilə Misirə mümkündür.


Baxış sayı: 183


Bölməyə aid digər xəbərlər