19:34 / 12-06-2024
ABŞ sanksiyalar tətbiq edib
Bütün xəbərlər
Tramp prezident kimi bir il ərzində ABŞ problemlərini həll edəcəyinə söz verib
Tarix: 17-09-2023 21:26 | Bölmə: Dünya

ABŞ-ın keçmiş prezidenti Donald Tramp 2024-cü ildə keçiriləcək seçkilərdə qalib gələcəyi təqdirdə ölkədəki problemlərin əksəriyyətini ən çox bir il ərzində həll etməyə hazır olduğunu açıqlayıb.

Sabaha-inamla.az rus mətbuatına istinadən xəbər verir ki, o, bu barədə NBC News-ə müsahibəsində bildirib.
"Altı aydan bir ilə qədər bir çox problemlər, faktiki olaraq müzakirə etdiyimiz bütün problemlər həll olunacaq", - Tramp jurnalistlərə deyib.
Siyasətçinin sözlərinə görə, digər namizədlər səkkiz ildən sonra ölkənin problemlərini həll edəcəklərinə söz verirlər və seçicilər belə namizədlərin qalib gəlməsini istəməməlidirlər.
ABŞ-da prezident seçkilərinin 2024-cü ilin noyabrında keçirilməsi planlaşdırılır. ABŞ-ın hazırkı prezidenti Cozef Bayden yenidən prezident seçilmək niyyətində olduğunu açıqlayıb. Trampdan başqa seçkiyə keçmiş vitse-prezident Mayk Pens, Florida qubernatoru Ron DeSantis, ABŞ-ın BMT-dəki keçmiş daimi nümayəndəsi Nie Heyli və başqaları da gedəcək.


Baxış sayı: 99


Bölməyə aid digər xəbərlər