“Ailəm acdır, qızımı satmalıyam”
Tarix: 10-09-2021 10:06 | Bölmə: Dünya

                          “Ailəm acdır, qızımı satmalıyam”



Əfqanıstanda baş verən siyasi hadisələr fonunda iqtisadiyyat çökür, ölkədə insanlıq dramı yaşanır.
“Qafqazinfo”nun xəbərinə görə, “The Times” çarəsiz atanın qızını satışa çıxarması ilə bağlı xəbərə səhifələrində yer verib.
Qəzetin müxbiri Antoni Loyd “Taliban” nəzarətində olan ölkədə vəziyyəti qələmə alıb. O bildirib ki, Əfqanıstanda qida və tibbi ləvazimat qıtlığı yaşanır, xalq çarəsizlikdən sahib olduğu hər şeyi satışa çıxarır:
“Əfqanıstanda Kabil çayı və məhəllələri boyunca insanlar şəxsi əşyalarını satışa çıxarır. Aclıqdan ölməmək üçün dörd yaşlı qızını barter edən bir ataya rast gəldim.
Bir ata uşağı üçün 170 funt sterlinq təklif etdi, başqa bir ata isə qızını 420 funt sterlinq qarşılığında girov verə biləcəyini söylədi”.
“Qızımı satmağa məhkum olmaqdansa, ölmək istərdim. Amma mənim ölümüm ailəmdən heç kimi xilas etməz. Digər uşaqlarımı kim saxlayacaq? Bu, seçimlə əlaqədar deyil, ümidsizliklə əlaqədardır”, - 38 yaşlı polis məmuru Mir Nazir “The Times”a bildirib.
O qeyd edib ki, “Taliban”ın Kabili ələ keçirməsindən əvvəl Qəznədə polis məmuru olub:
“İşimi itirdim. Paytaxta qaçdım. Ancaq “Taliban” məni burada da yaxaladı. Artıq əl arabası olan səyyar satıcıya çevrilmişəm. Arabanın kirayəsi qazancımdan çoxdur. Ailəm acdır.
Tanıdığım və uşağı olmayan mağaza sahibi bir adamdan təklif aldım. Qızım Safiyanın onunla yaşaması və mağazasında işləməyə başlaması üçün  20 min əfqan əfqanisi təklif etdi. Amma qızımı o qədər az pula satmayacağımı söylədim və 50 min istədim.
Hələ də qiymətdə razılaşmamışıq. Qızımın bizimlə qalmasındansa bir mağazada işləməsi onun həyatı üçün daha faydalı ola bilər. Bundan başqa, qiymət təklifim qəbul edilsə, bu pul ailəmi də xilas edə bilər”.


Baxış sayı: 43


Bölməyə aid digər xəbərlər