Bütün xəbərlər
Rusiya Dumasından Qarabağdakı vəziyyətlə bağlı - Bəyanat
Tarix: 29-09-2020 15:04 | Bölmə: Dünya

                 Rusiya Dumasından Qarabağdakı vəziyyətlə bağlı


Rusiya Dövlət Duması bu gün keçirilən plenar iclasda Dağlıq Qarabağdakı vəziyyətlə bağlı bəyanat qəbul edib.
“Qafqazinfo” “RİA Novosti”yə istinadən xəbər verir ki, bəyanatda Rusiya parlamentariləri tərəfləri danışıqlara qayıtmağa çağırıb və vəziyyəti sabitləşdirmək üçün vasitəçi olmağa hazır olduqlarını bildiriblər.
“Dövlət Duması dərhal atəşkəsin bərpasının zəruriliyini, bölgədə qarşıdurmanın artmasına yol verilməməli olduğunu və vəziyyətin sülh yolu ilə həllinə alternativ olmadığını vurğulayır. Dövlət Dumasının millət vəkilləri tərəfləri danışıqlar prosesinə ən qısa müddətdə qayıtmağa çağırır və vəziyyəti sabitləşdirmək üçün vasitəçilik köməyi göstərməyə hazır olduğunu bildirir”,- deyə bəyanatda qeyd olunub.
Həmçinin, millət vəkilləri açıqlamalarında Dağlıq Qarabağ münaqişəsi zonasında çoxsaylı insan tələfatına səbəb olan vəziyyətin kəskin şəkildə gərginləşməsindən ciddi narahatlıqlarını ifadə ediblər.


Baxış sayı: 297


Bölməyə aid digər xəbərlər