Bütün xəbərlər
Allah ordumuza qələbə nəsib etsin!-Hacı Rauf Sərdarov
Tarix: 17-10-2020 05:00 | Bölmə: Sosial
Bu gün, bu qələbə və zəfər xəbəri bizim hamımızı sevindirir, sevindirməkdədi. İllərlə gözlədiyimiz bu zəfər, qələbə xəbəri bizim hamımızın sevincinə səbəb olur. Burda peşəsindən, vəzifəsindən, kimliyindən asılı olmayaraq biz inanclı insanlar da bu gün hamımız  bir nəfər kimi öz torpağımızda kafirlərlə vuruşuruq. Və şükür Allaha ki, torpaqlarımızı azad edirik. Həm bu gün ölkə başçısı cənab Ali baş komandanın verdiyi əmrə əsasən bizim ordumuz öz torpaqlarını azad edərək yağı düşmən-kafirlə vuruşur. Bu bizim haqqımızdı, bu bizim haqq mübarizəmizdi. Və inanclı insanlar da, ruhanılər də, bu gün Qafqaz Müsəlmanları İdarəsi də öz xidmətini edir. Bütün peşə sahibləri öz xidmətini etməlidi. Həkim həkim kimi. dülgər dülgər kimi, dərzi dərzi kimi, müəllim müəllim kimi. Fərq eləmir kim hansı peşə sahibidi. Həm ön cəbhədə bizim ruhanilərimiz, axundlarımız, qazilərimiz, imamlarımız var. Həm arxa cəbhədə. O şəhidlər ki, gəlir. Onlar torpaqlarımızın bütövlüyü uğrunda şəhid olublar. Biz onların dəfn mərasimində iştirak edirik, onların valideynləri ilə görüşürük, onlara təsəlli veririk. Həmin vaxtı Şəhidlər ölməz, "Vətən bölünməz", "Qarabağ Azərbaycandır", "Qarabağ bizimdi, bizim olacaq", "Ya Qarabağ, ya ölüm", "Allahu əkbər",  "La ilahə, illəllah" şüarları səslənir. Gün o gün olsun "Allahu əkbər",  "La ilahə, illəllah"  sədaları bizim işğal olunmuş  torpaqların məscidlərində səslənsin.
 Bu gün Azərbaycan xalqı bir yumruq kimi cənab Ali baş komandanın ətrafında birləşib.  Bu gün cümə günüdür. Cümə günü dualar qəbul olunan gündür. Məhz cümə günündə cənab Prezident bizim məscidin açlışına gəlmişdi. Bizim onunla görüşümüz cümə günündə olmuşdu.  Bu cümə günündə biz -yüz minlərlə inanclı insan bir araya gəlib  torpaqlarımız, vətənimizin bütövlüyü, ordumuzun qələbəsi, Azərbaycanımız, gələcəyimiz  üçün dua edirik. Allah ordumuza qələbə nəsib etsin!
Hacı Rauf Sərdarov,
Qafqaz Müsəlmanları İdarəsinin bölgə üzrə qazısı,
 Sumqayıt Cümə Məscidinin axundu
Sabaha-inamla.az




Baxış sayı: 1 047


Bölməyə aid digər xəbərlər