Bütün xəbərlər
“Bizdə qadınların daha çox yoluxmasının səbəbi yas mərasimləridir”
Tarix: 20-07-2020 18:55 | Bölmə: Sosial

                   “Bizdə qadınların daha çox yoluxmasının səbəbi yas mərasimləridir”


“Bütün Azərbaycanda keçirilən yas mərasimləri var. Bizim bundan da xəbərimiz var. Bunların hamısı qeyri-qanunidir. Kiminsə qohumu, yaxını vəfat etdikdə böyük yas mərasimlərinin keçirilməsi, orada böyük sayda insanın iştirak etməsi heç də arzuolunan deyil. Burada hamımız anlamalıyıq ki, koronavirus ətrafımızdadır”.
“Qafqazinfo” bildirir ki, bu sözləri Prezidentin köməkçisi, Prezident Administrasiyasının iqtisadi məsələlər və innovativ inkişaf siyasəti şöbəsinin müdiri Şahmar Mövsümov brifinqdə deyib.
“Sizə paradoksal bir rəqəm deyim. Dünyanın əksər ölkələrində kişilər koronavirusa daha çox yoluxurlar, nəinki qadınlar. Azərbaycanda paradoks ondan ibarətdir ki, daha çox qadınlar yoluxurlar. Və bizim epidemiologiya üzrə mütəxəssislərimizin qənaəti ondan ibarətdir ki, qadınların daha çox yoluxmasının əsas səbəbi məhz yas mərasimləridir.  Çünki orada qadınlar daha çox iştirak edirlər və orada daha çox sıx təmasda olurlar və orada da yoluxmalar baş verir. Ona görə, xahişim ondan ibarətdir ki, hər şeyi başa düşərək yeni reallığı dərk edib bir az ehtiyatlı olmağa və bu riskləri nəzərə almağa çağırıram”, - deyə Mövsümov əlavə edib.


Baxış sayı: 315


Bölməyə aid digər xəbərlər