Cümə axşamı, 10 iyul 2025, 09:39:18  
Son xəbərlər:
Bütün xəbərlər
Rusiyanın Qətərdəki səfirliyi rusları izdihamlı yerlərdən uzaq durmağa çağırıb
Tarix: 23-06-2025 22:13 | Bölmə: Siyasət

Rusiyanın Qətərdəki səfirliyi ölkədəki Amerika bazalarına hücumlar barədə xəbərlərə görə vətəndaşlarına supermarketlərdə, ictimai parklarda və insanların çox olduğu yerlərdə uzun müddət qalmaqdan çəkinməyi tövsiyə edib.
Sabaha-inamla.az rus mətbuatına istinadən xəbər verir ki, mesajın mətni səfirliyin rəsmi Telegram kanalında yerləşdirilib.
“Hörmətli həmvətənlər. Sizə insanların sıx olduğu yerlərdə uzun müddət qalmaqdan, eləcə də ölkənin digər ərazilərinə səfərlərdən tamamilə imtina etməyi tövsiyə edirik”, - deyə, məlumatda bildirilir.
Eyni zamanda, ruslar sakit olmağa və Rusiyanın Dohadakı səfirliyi və Rusiya Xarici İşlər Nazirliyinin mesajlarına əməl etməyə çağırılıb.
"Axios" portalının məlumatına görə, İran Qətərdəki ABŞ-ın hərbi hava bazası istiqamətində 6 raket atıb. "Əl-Cəzirə" telekanalının məlumatına görə, Qətərin paytaxtı Dohada güclü partlayış səsləri eşidilib, şəhərin üstündəki səmada parıltılar görünüb. Ölkənin hakimiyyət orqanları altı raketin hamısının tutulması barədə məlumat verib.



Baxış sayı: 115


Bölməyə aid digər xəbərlər