Bütün xəbərlər
İsrail İrana zərbə endirmək üçün 200 təyyarə yerləşdirib, 330 bomba atıb
Tarix: 13-06-2025 09:58 | Bölmə: Siyasət

İsrail Müdafiə Qüvvələrinin (IDF) sözçüsü briqada generalı Effie Defrin bildirib ki, İsrail İrana zərbə endirmək üçün 200 təyyarə yerləşdirib.

Sabaha-inamla.az rus mətbuatına istinadən xəbər verir ki, onun sözlərini "Times of Israel" nəşri sitat gətirir.
Təyyarədən 330-dan çox bombanın atıldığı dəqiqləşdirilir.
"Təyyarə zərbələr zamanı 330-dan çox sursat atıb", - Defrin bildirib.
İsrailin müdafiə naziri İsrael Katz bildirib ki, yaxın vaxtlarda İsrailin mülki əhalisinə raket hücumu və pilotsuz təyyarələrlə zərbələr endirilməsi gözlənilir. "Axios"un məlumatına görə, zərbələr İsrailin iyunun 13-də İrana qabaqlayıcı hücumundan sonra proqnozlaşdırılır.
"Ynet"in məlumatına görə, İDF artıq ehtiyatda olan əsgərləri əsas bölmələrdə xidmətə çağırmağa başlayıb. Qeyd olunur ki, hərbi hazırlıq 8 saylı əmrə əsasən həyata keçirilir.
Öz növbəsində İsrailin baş naziri Benyamin Netanyahu xalqa müraciətində bildirib ki, Təl-Əviv “İranın nüvə proqramının tam ürəyinə zərbə endirməyi bacarıb”. İrana hücum zamanı İsrail Hərbi Hava Qüvvələrinin hədəfləri arasında İranın nüvə fizikləri və Natanzdakı uranın zənginləşdirilməsi zavodu müəyyən edilib.
Daha sonra İran İran İnqilabı Keşikçiləri Korpusunun (SEPAH) komandiri Hüseyn Səlami və general-mayor Qulam Əli Rəşidin, eləcə də iki böyük nüvə alimi - doktor Tehrançi və Fereydun Abbasinin ölümünü təsdiqləyib.



Baxış sayı: 140


Bölməyə aid digər xəbərlər