Bütün xəbərlər
Zaxarova: "Berbokun BMT Baş Assambleyasının sədri kimi işləmək üçün peşəkarlığı yoxdur"
Tarix: 02-04-2025 12:46 | Bölmə: Siyasət

 Almaniyanın xarici işlər naziri Annalena Berbokun BMT Baş Assambleyasının prezidenti postuna batutla tullanma bacarığı və çox az bilikdən başqa təklif edəcəyi heç nə yoxdur.
 Sabaha-inamla.az rus mətbuatına istinadən xəbər verir ki, bu barədə Rusiya Xarici İşlər Nazirliyinin rəsmi sözçüsü Mariya Zaxarova "Sputnik" radiosunun efirində bildirib.
Onun sözlərinə görə, Berbok müvafiq peşəkar bilik və təcrübəyə malik olmadan Almaniya Xarici İşlər Nazirliyinə təsadüfən rəhbərlik edib.
"Mən belə cüzi biliyə malik bir adamın bütün il Baş Assambleyaya necə rəhbərlik edəcəyini təsəvvür etməkdən belə qorxuram"-Zaxarova deyib.
O xatırladıb ki, Berbok reallıqlardan və tarixdən xəbərsiz olduğu üçün dəfələrlə diplomatik qalmaqallarda olub.
Martın 18-də məlum olub ki, Almaniya hökuməti Berboku 2025-2026-cı illər üçün BMT Baş Assambleyasının sədri vəzifəsinə namizəd kimi təklif edib. Eyni zamanda Zaxarova Almaniya hökumətinin planlarını qəribə adlandırıb. O, qeyd edib ki, nasizm üzərində Qələbənin 80-ci ildönümündə bu postda nasistlərin irsi ilə bağlı bir adam görmək qəribə olardı.
Eyni zamanda, Münhen Təhlükəsizlik Konfransının keçmiş rəhbəri Kristof Heusgen BMT Baş Assambleyasının sədri vəzifəsinə Annalena Berbokun namizədliyinin irəli sürülməsini həyasızlıq adlandırıb.



Baxış sayı: 44


Bölməyə aid digər xəbərlər