09:10 / 18-07-2024
Bayden koronavirusa yoluxub
Bütün xəbərlər
Meksika və Nikaraqua Ukraynadakı vəziyyətlə bağlı sammitdə iştirak etməyəcək
Tarix: 07-06-2024 09:21 | Bölmə: Siyasət

Meksika və Nikaraqua Ukrayna üzrə bu il iyunun 15-16-da İsveçrədə keçiriləcək sammitdə iştirakdan imtina ediblər.
Sabaha-inamla.az rus mətbuatına istinadən xəbər verir ki, Meksikanın Rusiyadakı səfirliyindən “İzvestiya”ya bildiriblər: Meksika Ukraynadakı münaqişənin sülh yolu ilə həllinə dair konfransda iştirak etmək üçün dəvət alıb, lakin bu tədbirdə iştirak etməyi planlaşdırmır.
"Ölkəmiz sülh tərəfdarıdır, ona görə də biz gözləyirik ki, tezliklə münaqişənin hər iki tərəfinin iştirak edəcəyi danışıqların aparılması mümkün olacaq", - Meksika səfirliyinin bəyanatında deyilir.
Nikaraqua Xarici İşlər Nazirliyi Ukraynadakı vəziyyətlə bağlı İsveçrə konfransını “siyasi fars” adlandırıb və orada iştirak etməyəcəklərini bəyan edib.
Latın Amerikası ölkəsinin Xarici İşlər Nazirliyinin bəyanatında deyilir: “Nikaraqua heç vaxt sülhə yol tapmaq məqsədi daşımayan, ancaq Rusiyaya başqa bir ultimatum təqdim etmək məqsədi daşıyan bu siyasi farsda heç vaxt iştirak etməyib və iştirak etməyəcək”.
Bu il iyunun 15-16-da İsveçrənin Luzern şəhəri yaxınlığında Ukrayna ilə bağlı konfrans keçiriləcək. Sammitə 160-a yaxın dövlətin nümayəndəsi dəvət olunub. Lakin Rusiya tədbirə dəvət olunanlar siyahısında yoxdur.


Baxış sayı: 169


Bölməyə aid digər xəbərlər