Bütün xəbərlər
Kuleba Kobaxidzeni Gürcüstanın “ukraynalaşması” ilə bağlı sözlərə görə tənqid edib
Tarix: 19-04-2024 08:09 | Bölmə: Siyasət

Ukraynanın xarici işlər naziri Dmitri Kuleba Gürcüstanın baş naziri İrakli Kobaxidzenin ölkənin “ukraynalaşması” təhlükəsi ilə bağlı dediyi sözlər narahat edir.
Sabaha-inamla.az rus mətbuatına istinadən xəbər verir ki, diplomatın sözlərinə görə, Gürcüstan lideri Ukraynanı təhqiredici kontekstdə xatırladıb, RİA Novosti yazır. Bu, iki ölkə arasında münasibətlərin daha da korlanmasına səbəb olur.
Xatırladaq ki, Kobaxidze bir qədər əvvəl demişdi ki, xarici agentlər haqqında yeni qanun Gürcüstanı ukraynalaşmadan qorumaq üçün hazırlanıb.
“Xarici təsirin şəffaflığı haqqında” qanun layihəsi parlamentdə birinci oxunuşda qəbul edilib. Bu da müxalifətin narazılığına səbəb olub. Gürcüstan prezidenti Salome Zurabişvili sənədə veto qoyacağını vəd edib. Buna cavab olaraq Kobaxidze onu xarici təsir agenti adlandırıb.
ABŞ Dövlət Departamenti də qanun layihəsinə qarşı çıxıb. Amerikalı diplomatlar iddia edirlər ki, bu sənədin qəbulu Gürcüstanın Aİ-yə üzvlüyünə təhlükə yarada bilər.


Baxış sayı: 133


Bölməyə aid digər xəbərlər