Bütün xəbərlər
Rəşid Nurqaliev: "Qərb Rusiyaya qarşı kəşfiyyat üçün kiberhücumlardan istifadə edir"
Tarix: 14-04-2024 20:17 | Bölmə: Siyasət

Rusiya Təhlükəsizlik Şurası katibinin birinci müavini Rəşid Nurqaliev hesab edir ki, Qərb kəşfiyyat xidmətləri Rusiyanın mühüm obyektlərinə kiberhücumlar həyata keçirmək və kəşfiyyat fəaliyyəti üçün texnologiyadan istifadə edir.
Sabaha-inamla.az rus mətbuatına istinadən xəbər verir ki, Nurqaliev “Rossiyskaya qazeta”ya müsahibəsində dediyinə görə, Qərb ölkələri təkcə Rusiyaya haker hücumlarını təşviq etmir, həm də kompüter hücumlarını həyata keçirmək üçün informasiya texnologiyalarından istifadə edirlər.
Onun sözlərinə görə, kompüter texnologiyasının anonimlik və transsərhəd xarakteri kimi xüsusiyyətləri həm Rusiyada, həm də xaricdə cinayətkar qruplar tərəfindən istifadə olunur.
Nurqaliev vurğulayıb ki, ABŞ, İngiltərə və onların nəzarəti altında olan ölkələr hakerlərin hərəkətləri Rusiya Federasiyasına ziyan vura biləcəyi halda onların transmilli fəaliyyətini dəstəkləyir.
Bundan əvvəl Rusiya prezidenti Vladimir Putin informasiya infrastrukturunun mühafizəsini gücləndirməyə çağırıb.


Baxış sayı: 139


Bölməyə aid digər xəbərlər