Bütün xəbərlər
Lukaşeviç: "Ukrayna ATƏT-in iclasında "Krokus"la bağlı başsağlığı vermədi"
Tarix: 11-04-2024 22:11 | Bölmə: Siyasət

Ukrayna və Avropada Təhlükəsizlik və Əməkdaşlıq Təşkilatına (ATƏT) üzv olan bir sıra digər ölkələr "Crocus City Hall" konsert zalında baş verən terror aktından sonra başsağlığı verməyib.
Sabaha-inamla.az rus mətbuatına istinadən xəbər verir ki, bu barədə cümə axşamı Rusiyanın ATƏT-dəki daimi nümayəndəsi Aleksandr Lukaşeviç bildirib.
Onun sözlərinə görə, dünya ölkələrinin əksəriyyəti terroru pisləyib, dəstək və başsağlığı verib. ATƏT rəhbərliyi də bu mövzuda çıxış edib.
Lukaşeviç qeyd edib ki, Kiyev və təşkilatın bəzi ölkələrində belə sözlər olmayıb. Əksinə, Ukrayna absurd şərhlər, o cümlədən Moskvanın terror aktında əli olması ilə bağlı ittihamlar səsləndirib, diplomat bildirib.
"Crocus City Hall"da terror aktı martın 22-də baş verib. "Piknik" qrupunun konsertindən əvvəl bir qrup silahlı şəxs binaya soxularaq insanlara atəş açıb, ardınca yanğın başlayıb. Son məlumatlara görə, 145 nəfər ölüb.


Baxış sayı: 123


Bölməyə aid digər xəbərlər