Bütün xəbərlər
Bəşər Əsəd: "Suriya Rusiyanın yeni sərhədlərini tanıyır"
Tarix: 16-03-2023 11:50 | Bölmə: Siyasət

Sabaha-inamla.az rus mətbuatına istinadən xəbər verir ki, Suriya lideri Bəşər Əsəd bildirib ki, Suriya DXR, LXR, Xerson və Zaporojye vilayətlərinin ilhaqından sonra Rusiyanın yeni sərhədlərini tanıyır.
O, RİA Novosti-yə müsahibəsində belə izah edib: “Bunlar Rusiya əraziləridir və hətta müharibə baş verməsə də, tarixən Rusiya əraziləridir”.
Əsəd xatırladıb ki, Suriya hələ referendum əsasında bu bölgələri Rusiyanın tərkibinə daxil olmamışdan əvvəl də tanıyıb.
"Onlar Ukraynaya, bəlkə də təxminən 100 il əvvəl, məncə, Leninin vaxtında köçürülüblər.Onların üzərində Rusiya vətəndaşları yaşayır və yerdəki faktlar göstərir ki, bu, Rusiya torpağıdır", - Suriya prezidenti bildirib.
Bəşər Əsəd martın 14-də Moskvaya işgüzar səfərə gəlib. Martın 15-də o, Rusiya prezidenti Vladimir Putinlə danışıqlar aparıb. Tərəflər Moskva və Dəməşq arasında əməkdaşlığı müzakirə ediblər. Söhbət zamanı Suriya lideri həmçinin Rusiyanın Ukraynadakı xüsusi əməliyyatını tam dəstəklədiyini bildirib və son dağıdıcı zəlzələnin nəticələrinin aradan qaldırılmasına kömək etdiyinə görə Rusiyaya təşəkkür edib.


Baxış sayı: 137


Bölməyə aid digər xəbərlər