Bütün xəbərlər
De Qollun nəvəsi Volqoqrada gəldi
Tarix: 02-02-2023 11:18 | Bölmə: Siyasət


Fransanın sabiq  prezidentinin, İkinci Dünya Müharibəsi illərində Fransa Milli Azadlıq Komitəsinin sədri Şarl de Qollun nəvəsi Pyer de Qoll Stalinqrad döyüşünün 80-ci ildönümü münasibətilə keçirilən şənliklərdə iştirak edib.
Sabaha-inamla.az rus mətbuatına istinadən xəbər verir ki, ictimai xadim üçün bu, Rusiyaya ilk səfər idi. O, Volqoqradda Mamayev Kurqan üzərində gülqoyma mərasimində iştirak edib.
"Mən ilk növbədə döyüşçülərin, dinc sakinlərin, nasizmi məğlub etmək üçün fədakarlıq edənlərin xatirəsini ehtiramla yad etməyə gəldim. Mənim üçün bu, çox həyəcanlı bir məqamdır. Mən rus xalqının gücünə, qətiyyətinə və dərinliyinə heyranam". Bu barədə TASS-a Pyer de Qoll bildirib.
Bundan əvvəl Rusiyanın xarici işlər naziri Sergey Lavrov fransalı ictimai xadimlə görüşüb. Rusiya XİN rəhbəri qeyd edib ki, Rusiya Pyer de Qollun irəli sürdüyü “mövcud geosiyasi vəziyyətə dair obyektiv qiymətləndirmələri” yüksək qiymətləndirir.


Baxış sayı: 131


Bölməyə aid digər xəbərlər