Azərbaycan müsəlmanlarının dəyişməz lideri
Tarix: 02-08-2021 19:27 | Bölmə: Siyasət

                          


Qafqaz Müsəlmanları İdarəsinə sədrlik edən Hacı Allahşükür Paşazadə son 40 il ərzində Azərbaycan müsəlmanlarının dəyişməz lideri kimi qala bilib. Müstəqil Azərbaycanın tarixində Şeyxülislamın parlaq ictimai fiqur kimi təkzibolunmaz səhifələri var. Şeyx xalqın ən çətin günlərində, siyasi böhran dövrlərində arxa planda qalmayaraq proseslərin önündə olması Azərbaycan Respublikasının Ümummilli lideri Heydər Əliyev

“ Siz dini-ictimai xadim kimi beynəlxalq aləmdə də böyük nüfuza maliksiniz. Azərbaycan həqiqətlərinin dünya ictimaiyyətinə çatdırılması, Qafqazda sülhün və əmin-amanlığın möhkəmləndirilməsi ilə bağlı fəaliyyətiniz təqdirəlayiqdir. Qurani-Kərimin təbliğ etdiyi haqq, ədalət və humanizm ideyaları İslam aləminin taleyüklü problemlərinin həlli yolunda atdığınız addımlarda öz əksini tapmışdır.”-  sözlərini demişdir.

Tariximizin ən ağır səhifəsi olan 20 yanvarla bağlı Şeyxülislamın tutduğu prinsipial mövqe hər zaman yaddaşlarda qalacaqdır.

Sovet işğalına qarşı sərt dirəniş göstərən A.Paşazadə SSRİ rəhbəri Mixail Qorbaçovu ittiham edərək onu qatil adlandırmışdı. Bu, sovet tarixində ilk belə hadisə idi. 

Şeyxülislam müsəlman aləmində məzhəb bölgüsünü rədd edən, vahid islam qardaşlığını təbliğ edən “darul-əhd” prinsipini əsas tutan azsaylı dini rəhbərlərin siyahısındadır.
A.Paşazadənin İrandan tutmuş Səudiyyə Krallığına, Şimali Qafqaza qədər coğrafiyada qazandığı nufuz Azərbaycanın beynəlxalq müstəvidə sözünün eşidilməsinə böyük yardım edir.

İslam Əməkdaşlıq Təşkilatının Azərbaycanla bağlı vahid mövqeyinin formalaşması QMİ sədrinin illərlə apardığı fəaliyyətinin bir örnəyidir. SSRİ zamanında -1991-ci ildə Şeyxin bilavasitə təşəbbüsü ilə Azərbaycanın üzv oldğu İƏT Qarabağ münaqişəsinin bütün dövrü ərzində ölkəmizə dəstək verdi. Ermənistanın bütün cəhdlərinə baxmayaraq bu nufuzlu islam təşkilatı Qarabağın işğal olunduğunu bəyan etdi, Xocalı faciəsini tanıyan ilk beynəlxalq qurum oldu.

44 günlük müharibə zamanı İƏT-in Azərbaycana dəstəyi və Qələbə təbriki Ermənistan üçün tam gözlənilməz idi.

Bu mövqe Qarabağ münaqişəsinin tarixində qırmızı xətlə keçir.

Qarabağla bağlı QMİ sədrinin bu illərdə tutduğu ardıcıl mövqe erməni katolikosu ilə təmaslarda daim özünü göstərib. Rusiya patriarxının vasitəçiliyi ilə keçirilən görüşlər zamanı Şeyxülislam katolikosa “Qarabağ işğal altındadır. Müharibə Azərbaycanın tarixi torpaqlarında gedir” deyərək kilsəni ədavəti körükləməkdə ittiham etmişdi. Azərbaycan Respublikasının prezidenti, Ali Baş Komandan İlham Əliyev 
“Şeyx həzrətləri dünyada çox böyük nüfuza malik olan bir şəxsiyyətdir. Şeyx həzrətləri Azərbaycan xalqının Ümummilli lideri, mənim atam Heydər Əliyevlə də çox yaxın dostluq əlaqələri saxlamışdır. Bu şəxsi dostluq ölkəmiz üçün də çox vacibdir.

Bu gün mənimlə hörmətli Şeyx həzrətləri arasında münasibətlər çox səmimidir, dostluq münasibətləridir. Biz bu dostluqdan çox məmnunuq. Bu dostluq həm bizim üçün, həm də ölkəmiz üçün lazımdır. Bizim hörmətli Şeyx həzrətləri ilə dostluğumuz sarsılmazdır.” –sözlərini deməklə şeyxin dostluğa sadiq biri olmasını göstərir.

Şeyxin xütbəsində 44 günlük müharibə zamanı verdikləri dəstəyə görə Türkiyə prezidenti Ərdoğana və İranın ali dini rəhbəri Xamneiyə dindarlar adından təşəkkür etməsinə “ruhani diplomatiyasının” bir elementi kimi baxmaq olar.


Firdovsi Cəbrayılov,

Səbail rayonun keçmiş sabiq Bələdiyyə sədri,
71 saylı Masallı kənd seçki dairəsi üzrə qeydə alınmış namizəd  






Baxış sayı: 121


Bölməyə aid digər xəbərlər