Bütün xəbərlər
Numan Kurtulmuş: Qarabağ Zəfəri nəticəsində yaranmış mövcud vəziyyət həm Azərbaycan, həm də Türkiyə üçün faydalı olacaq
Tarix: 02-06-2021 16:03 | Bölmə: Siyasət


Qarabağın işğaldan azad olunması ilə nəticələnən 44 günlük Vətən müharibəsində Azərbaycanın yanında olmaqla, iki dövlət olsaq da, bir millət olduğumuzu bir daha həm azərbaycanlı qardaşlarımıza, həm də bütün dünyaya göstərdik. Törədilən soyqırımlar, bir milyondan çox günahsız insanın doğma yurdundan didərgin düşməsi və mövcud işğal ilə Azərbaycan xalqına qarşı davam edən zülmlərin aradan qaldırılması heç bir vasitəçiliklə, diplomatik və siyasi danışıqlarla mümkün olmadı.
AZƏRTAC xəbər verir ki, bu fikirləri Türkiyənin Ədalət və İnkişaf Partiyası (AKP) sədrinin birinci müavini, Türkiyə Böyük Millət Məclisinin üzvü Numan Kurtulmuş Yeni Azərbaycan Partiyası (YAP) Sədrinin müavini-Mərkəzi Aparatın rəhbəri Tahir Budaqovla Ankarada birgə keçirdikləri mətbuat konfransında səsləndirib.
Dünya birliyinin Xocalı soyqırımı başda olmaqla, törədilən bütün cinayətlərə və ədalətsizliklərə səssiz qaldığını təəssüf hissi ilə qeyd edən AKP Sədrinin birinci müavini Numan Kurtulmuş tarixi Zəfər münasibətilə bir daha səmimi təbriklərini çatdırıb, şəhidlərimizə Allahdan rəhmət, qazilərimizə şəfa diləyib. O deyib: “Azərbaycanın Qarabağ Zəfəri nəticəsində yaranmış mövcud vəziyyət, cəbhədə qazanılan Qələbə həm Azərbaycan, həm də Türkiyə üçün faydalı olacaq”.




Baxış sayı: 288


Bölməyə aid digər xəbərlər