Vəkil Mehdi Cəlalzadə: “Cinayətlərdə suçu olan millətçi daşnak erməni xuntasının üzvlərinin cinayət məsuliyyətinə cəlb edilməsi üçün beynəlxalq hüquqda kifayət qədər ciddi əsaslar var”
Tarix: 01-06-2021 11:52 | Bölmə: Siyasət
       

Erməni işğalından azad olunan Azərbaycan tarixi torpaqlarında mövcud vəziyyəti, dağıdılmış şəhər və kəndlərimizi görəndə, birmənalı şəkildə düşünürük bu cinayəti törədənlər cəzalanmalıdır.
“Dənizdən dənizə Böyük Ermənistan” xülyası ilə yaşayan işğalçı daşnak erməni xuntası 30 il müddətində dinc azərbaycanlılarla bərabər ətraf aləmə, yaşayış evlərinə qarşı vəhşilik törədiblər. İnsanlığa və təbiətə qarşı belə vəhşilikləri törədənlərin ciddi cəzalandırılması beynəlxalq hüquqda geniş təsbit olunub və dünyada bu sahədə geniş təcrübə var.
Tanınmış hüquqşünas, Vəkillər Kollegiyasının üzvü vəkil Mehdi Cəlalzadə bu məqamlara aydınlıq gətirib. Vəkil dünya təcrübəsinə istinad edərək qeyd edib: “ II dünya müharibəsində qanlı cinayətlər törətmiş, minlərlə günahsız insanın ölümünə bais olan faşıst Almaniyasıında bir sıra şəxslər məhkəmə qarşısına çıxarılaraq layiqli cəzalarını aldılar. Adolf Hitler və onun silahdaşlarının bəşəriyyət tarixində törətdiyi ağlagəlməz cinayətlər Beynəlxalq Hərbi Tribunal Məhkəməsi Kollegiyasının Nyurnberq məhkəməsində aparılmışdı. Məhkəmədən sonra ittiham çıxışındakı tələblər nəzərə alınmaqla 21 canidən 12 nəfəri ölüm, qalanları isə müxtəlif növlü cəzalara məhkum edildi. Müharibədən zərər çəkən yəhudilər və onların yaxınları bu gündə Almaniya dövlətindən dəymiş ziyana görə, kompensasiya alırlar. Əslində soyqırım törədən cinayətkarların cəzalandırılması baxımından bütün bunlar yaxşı təcrübədir”.
Mehdi Cəlalzadə daha sonra qeyd edib: “Millətçi daşnak ermənilər bir sıra beynəlxalq konvensiyaların o cümlədən Haaqa Konvensiyasının, Müharibə vaxtı mülki əhalinin müdafiəsi haqqında 12 avqust 1949-cu il Cenevrə Konvensiyasının, 1949-cu il Cenevrə Konvensiyalarına əlavə Protokolda ehtiva edilmiş beynəlxalq humanitar hüquq normalarını kobud şəkildə pozublar. Xocalı hadisələri zamanı dinc insanların kütləvi şəkildə qəddarlıqla qətlə yetirliməsi, öldürülmüş şəxslərin təhqir edilməsi insanlıq əleyhinə cinayətlərdir. Bu cinayətlərin törədilməsinə görə, birmənalı şəkildə Ermənistan dövləti məsuliyyət daşıyır. Düşünrəm ki, bütün bu cinayətlərdə suçu olan daşnak erməni xuntasının cinayət məsuliyyətinə cəlb edilməsi üçün beynəlxalq hüquqda kifayət qədər ciddi əsaslar var. Azərbaycan tərəfi beynəlxalq təcrübəyə istinad edərək bu prosesi davam etdirməlidir.”

Fact-info.az


Baxış sayı: 92


Bölməyə aid digər xəbərlər