Bütün xəbərlər
İsrail Qəzzada humqnitar böhranının qarşısını almaq üçün Misirin məsuliyyət daşıdığını deyib
Tarix: 14-05-2024 20:11 | Bölmə: Manşet

Qəzza zolağında humanitar böhranın qarşısını almağın açarı Misirin əlindədir, İsrailin xarici işlər naziri İsrael Katz sosial şəbəkədə yazıb.
 Sabaha-inamla.az rus mətbuatına istinadən xəbər verir ki, diplomat onu da əlavə edib ki, Həmas hərəkatının Qəzza və Misir sərhədində yerləşən Rəfah keçid məntəqəsinə nəzarət etməsinə icazə verilməyəcək. Katzın sözlərinə görə, Misir öz tərəfində olan keçid məntəqəsini açmalıdır ki, humanitar yardım anklava axınına davam etsin.
Bundan əvvəl İsrail Müdafiə Qüvvələri Rəfah şəhərinin şərq hissəsində və eyniadlı keçid məntəqəsi ərazisində hərbi əməliyyatları davam etdirdiyini açıqlamışdı. İsrail ordusu sərhəd keçid məntəqəsi yaxınlığında HƏMAS-ın bir neçə bölməsinin məhv edildiyini bildirir.
Bundan əlavə, İsrail ordusu Qəzza şəhəri ərazisində onlarla yaraqlını məhv etdiyini iddia edir.


Baxış sayı: 125


Bölməyə aid digər xəbərlər