Bütün xəbərlər
Luis Rubiales FİFA-nın qərarı ilə razılaşmır
Tarix: 30-10-2023 20:40 | Bölmə: Manşet

FİFA İspaniya Kral Futbol Federasiyasının keçmiş prezidenti Luis Rubialesi üç il müddətinə futbolla bağlı fəaliyyətindən kənarlaşdırıb.
Sabaha-inamla.az rus mətbuatına istinadən xəbər verir ki, İspaniya federasiyasının keçmiş rəhbərinin özü də bu hökmlə razılaşmır.
Luis Rubiales FİFA-nın onun 3 illik diskvalifikasiyası ilə bağlı qərarından məhkəməyə şikayət etmək niyyətindədir. İspaniya Kral Futbol Federasiyasının sabiq prezidenti dünya çempionatını qazandıqdan sonra milli komandasının futbolçusu ilə öpüşdüyünə görə cəzalandırılıb.
Bu öpüşdən sonra Luis Rubiales vətənində təqiblərə məruz qalıb. Funksioner zorakılıqda günahlandırılaraq ölkə futbol federasiyasındakı rəhbər vəzifəsini tərk etməyə məcbur edilib. FİFA ispaniyalını futbolla bağlı istənilən fəaliyyətdən uzaqlaşdırıb.
TASS xəbər verir ki, Luis Rubiales təslim olmaq fikrində deyil. Biabırçı məmur sosial şəbəkədəki səhifəsində FİFA-nın qərarından məhkəməyə şikayət etməyə hazır olduğu barədə açıqlama yayıb.


Baxış sayı: 103


Bölməyə aid digər xəbərlər