Bilik Günü ilə bağlı təntənəli tədbirlər ləğv olundu
Tarix: 14-09-2022 14:19 | Bölmə: Manşet

                       Bilik Günü ilə bağlı təntənəli tədbirlər ləğv olundu



Azərbaycanın bütün ümumi təhsil müəssisələrində sabah – sentyabrın 15-də Bilik Günü ilə bağlı nəzərdə tutulan təntənəli tədbirlər ləğv olunub.
“Qafqazinfo” xəbər verir ki, bu barədə Elm və Təhsil Nazirliyi məlumat yayıb. 
“Bildiyimiz kimi, sentyabrın 12-si gecə və 13-ü səhər saatlarında Ermənistan silahlı qüvvələri tərəfindən törədilən genişmiqsaylı təxribatın qarşısı alınarkən çoxsaylı hərbi qulluqçumuz şəhid olub. Şəhidlərimizin ailələrinə və yaxınlarına dərin hüznlə başsağlığı verir, yaralılarımıza Allahdan şəfa diləyirik! 
Bununla əlaqədar olaraq, ümumtəhsil məktəblərinin rəhbər və pedaqoji heyətinə 15 sentyabr – Bilik Gününün təntənəli şəkildə qeyd edilməməsi tapşırılıb. Valideynlərin isə bu məsələni anlayışla qarşılamaları xahiş olunur". 
Nazirlikdən həmçinin bildirilib ki, ümumi təhsil müəssisələrində ilk dərs “Qarabağ Azərbaycandır!” mövzusuna həsr olunacaq.


Baxış sayı: 51


Bölməyə aid digər xəbərlər
17-08-2022, 21:06 Quterreş Lvova getdi