21:06 / 17-08-2022
Quterreş Lvova getdi
Beynəlxalq Avtomobil Federasiyasının prezidenti Heydər Əliyev Mərkəzində - Fotolar
Tarix: 11-06-2022 16:59 | Bölmə: Manşet

                   Beynəlxalq Avtomobil Federasiyasının prezidenti Heydər Əliyev Mərkəzində


Beynəlxalq Avtomobil Federasiyasının (FIA) prezidenti, ralli üzrə keçmiş pilot Mohammad ben Sulayem Heydər Əliyev Mərkəzini ziyarət edib.
Sabaha-inamla.az “Qafqazinfo”ya istinadən xəbər verir ki, Heydər Əliyev Muzeyində olan qonaq əvvəlcə ümummilli lider Heydər Əliyevin xidməti istifadəsində olmuş avtomobillərə baxıb. Muzeydə ümummilli lider Heydər Əliyevin həyat və fəaliyyətinin bütün dövrlərini əhatə edən video və fotoarxiv sənədlər, eləcə də müxtəlif eksponatlarla tanış olub.
“Azərbaycan inciləri: tarixin axarında”, "Musiqi alətləri: birlik və müxtəliflik", “Kukla incəsənətdə” sərgilərində olan FIA prezidenti Mərkəzdə nümayiş etdiriliən klassik avtomobillərə də baxıb.
FIA prezidenti Mohammad ben Sulayem və Azərbaycan Avtomobil Federasiyasının prezidenti Anar Ələkbərov məktəblilər arasında “Gələcəyin ekoloji avtomobili” virtual rəsm müsabiqəsinin qaliblərini diplomlarla təltif ediblər. Müsabiqə Azərbaycan Avtomobil Federasiyası və Azərbaycan Avtomobil Dilerləri Assosiasiyası tərəfindən təşkil olunmuşdu.
FIA prezidenti, həmçinin, Gənclər və İdman naziri Fərid Qayıbovla görüşüb. Görüşdə ikitərəfli əlaqələr, Azərbaycan Avtomobil Federasiyasının avtomobil idmanı sahəsindəki fəaliyyəti müzakirə edilib.











Baxış sayı: 74


Bölməyə aid digər xəbərlər
Dünən, 21:06 Quterreş Lvova getdi