23:50 / 18-03-2024
Prezident xalqı təbrik etdi
22:44 / 18-03-2024
Petr Yan sıradan çıxıb
Bütün xəbərlər
Suraxanıda Heydər Əliyevin 99-cu ildönümü qeyd edildi - Fotolar
Tarix: 11-05-2022 14:33 | Bölmə: Manşet

                      Suraxanıda Heydər Əliyevin 99-cu ildönümü qeyd edildi



Müstəqil Azərbaycan dövlətinin qurucusu, dahi şəxsiyyət, Ümummilli Lider Heydər Əliyevin anadan olmasının 99-cu ildönümü ilə əlaqədar mayın 10-da Suraxanı rayonu, Əmircan qəsəbəsində yerləşən, Dövlət Sərhəd Xidmətinin Səttar Bəhlulzadə adına Mədəniyyət Mərkəzində Suraxanı Rayon İcra Hakimiyyətinin, YAP Suraxanı Rayon Təşkilatının, Azərbaycan Milli Elmlər Akademiyası Mərkəzi Elmi Kitabxanasının birgə təşkilatçılığı ilə kitab sərgisi, rəsmi və bədii hissədən ibarət “Əbədi Yaşar Ulu Öndər” adlı tədbir keçirilib.
“Qafqazinfo” xəbər verir ki, tədbirdə Rayon İcra Hakimiyyətinin başçısı Əziz Əzizov, şəhid ailələri, qazilər iştirak edib.
Tədbir iştirakçıları ilk öncə Ümummilli lider, Ulu Öndər Heydər Əliyevin Suraxanı rayonu, Heydər Əliyev parkında ucalan abidəsini ziyarət edib, abidə önünə gül dəstələri düzüblər. Sonra Dövlət Sərhəd Xidmətinin Səttar Bəhlulzadə adına Mədəniyyət Mərkəzinin foyesində Azərbaycan Milli Elmlər Akademiyası Mərkəzi Elmi Kitabxanasının təqdimatında müasir dünya tarixinə parlaq və silinməz iz qoymuş böyük şəxsiyyət, qeyri-adi zəka, fitri istedad sahibi, müdrik dövlət xadimi Heydər Əliyevə həsr olunmuş kitab sərgisi ilə tanış olublar.
Mədəniyyət Mərkəzinin akt zalında davam edən tədbirdə Rayon İcra Hakimiyyətinin başçısı Əziz Əzizov çıxış edib: “Heydər Əliyevin Azərbaycan xalqının yaddaşında qurucu və xilaskar dövlət xadimi, milli lider və xalq məhəbbətini qazanan öndər kimi əbədilik qazanması, heç də təsadüfi deyil. Məhz Heydər Əliyevin Azərbaycana rəhbərlik etdiyi illərdə bugünkü dövlət müstəqilliyimizin möhkəm təməli qoyuldu. Həmin qətiyyətin, siyasi iradənin dövlət başçısı, Ali Baş Komandan cənab İlham Əliyev tərəfindən davam etdirildiyini və 44 günlük İkinci Qarabağ müharibəsində 30 ilin işğalına son qoymağın böyük şücaətin, qəhrəmanlığın, Ali Baş Komandanın qətiyyətinin, Azərbaycan Ordusunun gücünün, qüdrətinin nəticəsi olduğunu bir daha vurğuladı”.
Daha sonra Ümummilli Lider Heydər Əliyevə həsr olunmuş “Əbədi Yaşar Ulu Öndər-tarix dərsi” adlı qısa teatr tamaşası nümayiş olunmuş və tədbir məşhur incəsənət xadimlərinin təqdimatında bədii hissə ilə davam edib. 














Baxış sayı: 187


Bölməyə aid digər xəbərlər