Firdovsi Umudovun paylaşımına məşhur güləşçidən dəstək - Fotolar
Tarix: 07-09-2020 19:17 | Bölmə: Manşet

                Firdovsi Umudovun paylaşımına məşhur güləşçidən dəstək


Azərbaycan və Türkiyə idman ictimaiyyəti Prezident İlham Əliyevin Şərqi Aralıq dənizində qardaş ölkə ilə Yunanıstan arasındakı gərginlik məsələsində göstərdiyi dəstəkdən ötrü təşəkkürünü davam etdirir. “Qafqazinfo” xəbər verir ki, məşhur türkiyəli güləşçi, Olimpiya çempionu, 2 qat dünya çempionu, Bakıda keçirilən Avropa oyunlarının qalibi, çoxsaylı Avropa çempionu Taha Akgül sərbəst güləş üzrə millimizin sabiq çalışdırıcısı Firdovsi Umudovun İnstaqram hesabında etdiyi paylaşıma şərh yazaraq bu addıma təşəkkürünü bildirib. 
O, paylaşıma “İki dövlət, bir millət” şərhini yazıb. 
Taha Akgül 2015-ci ildə Bakıda keçirilən Avropa Oyunlarında qazandığı zəfəri Azərbaycan və Türkiyə bayraqları ilə qeyd etmişdi. 2018-ci ildə Azərbaycanda olan güləşçi iki ölkə arasındakı qardaşlıq və dostluq münasibətlərindən də söz açmışdı. Həmin açıqlamanı xatırlayaq:
“Bakıya Azərbaycan güləşçiləri ilə məşq etmək üçün gəldik. Deyirik: "İki dövlət, bir millət"! İki ölkənin idmançılarının qələbəsi şərəfinə Türkiyə və Azərbaycan bayraqlarının dalğalanmasını istəyirik. 2015-ci ildə Avropa Oyunlarında qalib gələrək iki bayraq qaldırdım. Bizim ortaq hər şeyimiz var, biz bir millətik. Budur qardaşlarımız - Cəbrayıl Həsənov, Hacı Əliyev, məşqçi Firdovsi Umudov. Hər kəs bizə böyük diqqət göstərir. Biz evdəyik. Dilimiz və dinimiz eynidir. Əvvəllər Azərbaycan güləşçiləri təlim-məşq toplanışına Türkiyəyə  gəlmişdilər və yenidən gələcəklər. Ölkələrimizi layiqincə təmsil etmək üçün olimpiadaya birlikdə hazırlaşacağıq ”.



Xatırladaq ki, bu günlərdə Yunanıstanın yeni, səlahiyyətli səfiri Nikolaos Piperiqkosu qəbul edən prezident İlham Əliyev Şərqi Aralıq dənizindəki Türkiyə və Yunanıstan arasında olan gərginlik haqqında fikir bildirib. İlham Əliyev Turkiyənin Azərbaycan üçün tək dost və tərəfdaş deyil, həm də qardaş ölkə olduğunu deyib:
“Azərbaycan tərəddüdsüz Türkiyəni dəstəkləyir  və hər bir halda dəstəkləyəcək. Eyni dəstəyi biz həm də türkiyəli qardaşlarımızdan görürük. Onlar Azərbaycanı hər bir məsələdə dəstəkləyir , biz də onları hər bir məsələdə dəstəkləyirik. Həmçinin, Şərqi Aralıq dənizindəki kəşfiyyat məsələlərində. Mən istəyirəm ki , siz bizim mövqeyimizi biləsiniz”.

İnstaqramdakı Firdovsi Umudov yazısına qayıdaraq qeyd etmək lazımdır ki, burada təcrübəli mütəxəssis dövlət başçısının Azərbaycan Türk-Yunan məsələsindəki mövqeyi barədə nə qədər qətiyyətlə ifadə etdiyini vurğulayıb: “İki ölkə arasındakı qardaşlıq və tərəfdaşlıq bir çox sahədə nəzərə çarpır”. İdmançılarımız bir-biri ilə dostdurlar. Dünya idman arenalarında Azərbaycan və Türkiyə güləşçiləri qələbələrini iki ölkənin bayrağı ilə fəxri dairə düzəldərək qeyd edirlər. Bunun bir çox nümunəsi var. 
Şübhəsiz ki, bu gün Azərbaycan ilə Türkiyə arasındakı qardaşlıq münasibətlərinin inkişaf etməsi ölkə prezidenti İlham Əliyev və Birinci vitse-prezident Mehriban Əliyevanın böyük xidmətidir. Əlbəttə ki, Türkiyə rəhbərliyi xalqlarımız arasında hər zaman qardaşlıq qurmağa çalışdı və çalışır. Ulu Öndər Heydər Əliyevin  ilk dəfə dediyi kimi biz həqiqətən “bir millət, iki dövlət”ik. İki bədəndə bir can, Türkiyə - Azərbaycan!”. 




Baxış sayı: 394


Bölməyə aid digər xəbərlər
15-08-2020, 16:38 Baş Nazirdən yeni qərar
13-08-2020, 20:32 İki qardaş... - Fotolar