Leyla Əliyevanın dəstəyi ilə rəssam tələbə əlil arabasından qurtuldu
Tarix: 23-06-2020 19:06 | Bölmə: Manşet

                  Leyla Əliyevanın dəstəyi ilə rəssam tələbə əlil arabasından qurtuldu


Heydər Əliyev Fondunun vitse-prezidenti Leyla Əliyevanın dəstəyi ilə Azərbaycan Dövlət Rəssamlıq Akademiyasının 4-cü kurs tələbəsi, birinci qrup əlil Cavid Həsənli əməliyyat olunaraq əlil arabasından qurtulub. 
"Qafqazinfo" xəbər verir ki, Cavid Həsənlinin xəstəliyi 7 yaşından başlayıb və orta təhsilini evdə tamamlayıb. 2016-cı ildə Azərbaycan Dövlət Rəssamlıq Akademiyasına rəngkarlıq ixtisası üzrə qəbul olunub. 3-cü kursda oxuyarkən səhhəti ağırlaşıb və təhsilini yarımçıq qoymaq təhlükəsi ilə üzləşib. Əməliyyat üçün tələb olunan böyük məbləği ödəmək imkanında olmayıb. Heydər Əliyev Fondunun vitse-prezidenti Leyla Əliyevanın dəstəyi ilə bir il ərzində Bakıda müxtəlif xəstəxanalarda 4 dəfə əməliyyat olunub və nəhayət, əlil arabasından xilas olub.
Təhsilini davam etdirmək imkanı qazanan Cavid Həsənli artıq məzun olacaq.

           


Baxış sayı: 452


Bölməyə aid digər xəbərlər