Bütün xəbərlər
Gürcüstan parlamentində deputatlar arasında ciddi dava düşüb
Tarix: 15-04-2024 16:27 | Bölmə: Karusel

Gürcüstanlı deputatlar parlamentdə xarici agentlər haqqında qanun layihəsinə baxılarkən dava salıblar.
Sabaha-inamla.az rus mətbuatına istinadən xəbər verir ki, hər şey müxalifətdəki “Vətəndaşlar” partiyasının lideri Aleko Elisaşvilinin kürsüyə qaçaraq hakim “Gürcü arzusu” partiyasının icraçı katibi Mamuka Mdinaradzenin başına yumruqla vurması ilə başlayıb. Digər deputatlar da onlara tərəf qaçıblar və nəticədə ciddi dava düşüb.
Hadisədən sonra Elisaşvili jurnalistlərə bildirib ki, xarici agentlər haqqında qanunun qəbuluna icazə verilə bilməz. “Gürcüstanı sevən hər kəs çıxsın!” – deputat çağırış edib.
Parlament aprelin 15-də “Gürcü arzusu” fraksiyasının təqdim etdiyi “Xarici təsirin şəffaflığı haqqında” qanun layihəsinə baxmağa başlayıb.
Tbilisinin mərkəzində qanunvericilik binası yaxınlığında etiraz aksiyası keçirilir. RİA Novosti xəbər verir ki, etirazçılar qanun layihəsinin Rusiya layihəsinin analoqu olduğunu iddia edirlər.
“Xarici agentlər haqqında” qanun layihəsi artıq ötən ilin martında yenidən parlamentə təqdim edilib və sonra kütləvi iğtişaşlara səbəb olub.


Baxış sayı: 90


Bölməyə aid digər xəbərlər