Bütün xəbərlər
“Yaşayış məntəqələrinə 30 mindən artıq mərmi, 227-dən çox raket atılıb”
Tarix: 13-11-2020 21:07 | Bölmə: Karusel

                 “Yaşayış məntəqələrinə 30 mindən artıq mərmi, 227-dən çox raket atılıb”

“27 sentyabrdan başlayaraq aparılan proses infrastruktura dəymiş ziyanın qiymətləndirilməsi və zərərlərin aradan qaldırılmasını özündə ehtiva edir. Vətəndaşlarımıza dəymiş ziyanın aradan qaldırılması prioritet məsələlərdəndir”.
“Qafqazinfo” xəbər verir ki, bunu Ermənistanın Azərbaycan ərazisinə vurduğu ziyanın qiymətləndirilməsi ilə bağlı keçirilən brifinqdə Prezidentin köməkçisi Hikmət Hacıyev deyib. O bildirib ki, aprel hadisələrində də ermənilər mülki əhaliyə və mülki infrastruktura ciddi ziyanlar vurub:
“Prezident əvvəlki hadisələr zamanı da vətəndaşlara baş çəkdi, onların şəraiti yaxşılaşdırıldı. Tovuz hadisələrində də eyni proses davam etdi. Dövlət başçısı hər bir halda tapşırıq verdi və vətəndaşlara dəyən ziyan aradan qaldırıldı. Biz rəqəmlərə baxanda bunu daha dəqiq görə bilərik. Ermənilər məqsədyönlü şəkildə mülki yaşayış məntəqələrinə 30 mindən artıq mərmi, 227-dən artıq raket atıb. Onların içində kasetli və ballistik raketlər olub. Ermənilər mülki insanları hədəfə almaqla xof və təşviş yaratmaq istəyirdi. Azərbaycan Ordusu isə ermənilərin çirkin niyyətlərini darmadığın etdi”.

 


Baxış sayı: 120


Bölməyə aid digər xəbərlər