Bütün xəbərlər
NATO-nun sammiti iyulun 9-dan 11-dək ABŞ-da keçiriləcək
Tarix: 08-05-2024 16:36 | Bölmə: Dünya

NATO-nun növbəti sammiti açıqlanıb. 9-11 iyul 2024-cü il tarixlərində baş tutacaq. Tədbirin keçiriləcəyi yer ABŞ-ın paytaxtı Vaşinqton olacaq.
 Sabaha-inamla.az rus mətbuatına istinadən xəbər verir ki, bu barədə alyansın mətbuat xidməti məlumat yayıb. “ABŞ iyulun 9-11-də Vaşinqtonda keçiriləcək NATO sammitinə baş katib Yens Stoltenberq sədrlik edəcək”, - sənəddə deyilir.
Bu il NATO-nun 75 illik yubileyi qeyd olunur və bu, digər mövzular arasında vurğulanacaq. Əsas müzakirələr mövcud gündəliyə aid olacaq.
Müzakirələrdə Ukraynaya davamlı dəstək, çəkindirmə və müdafiə imkanlarının gücləndirilməsi, istehsalı artırmaq və sənaye bazasını inkişaf etdirmək üçün sənaye ilə əlaqə, ittifaq tərəfdaşlıqlarını gücləndirmək və müttəfiqlərin öz və kollektiv müdafiəyə sərmayə yatırmaq üzrə öhdəliklərini yerinə yetirməsini təmin etmək müzakirə olunacaq.
Bir gün əvvəl "Corriere della Sera" xəbər vermişdi ki, NATO Ukrayna ərazisinə qoşun yeritməkdən imtinanı gücləndirəcək. Nəşrin məlumatına görə, bu barədə blokun qarşıdan gələn sammitində razılıq əldə oluna bilər.




Baxış sayı: 143


Bölməyə aid digər xəbərlər