Bütün xəbərlər
"Telex": Macar tərcüməçisi Putinin Orbana dediyi sözləri təhrif edib
Tarix: 30-11-2025 15:19 | Bölmə: Siyasət

"Telex"in məlumatına görə, Macarıstanın Baş naziri Viktor Orban və Rusiya Prezidenti Vladimir Putin arasında Kremldə aparılan danışıqlar zamanı işləyən macar tərcüməçisi Rusiya liderinin sözlərini təhrif edib.
Sabaha-inamla.az rus mətbuatına istinadən xəbər verir ki, söhbət Putinin "Ukrayna məsələsi ilə bağlı balanslı fikrinizi bilirik" ifadəsindən gedirdi və bu ifadə Orbana "Bilirəm ki, beynəlxalq siyasət sizə mütləq təsir edir" kimi tərcümə olunub. Bundan əlavə, Rusiya liderinin "Bir-birimizi çoxdan tanıyırıq" ifadəsi Macarıstanın Baş nazirinə "Bizi ziyarətə gəldiyiniz üçün şadam" kimi çatdırılıb.
Rusiya və Macarıstan xarici işlər nazirlikləri tərcümə səhvləri ilə bağlı heç bir şərh verməyib.
Orban və Putin arasında danışıqlar 28 noyabrda Kremldə baş tutub. Əsas mövzu enerji idi. Rusiya liderinin mətbuat katibi Dmitri Peskovun sözlərinə görə, dialoq uzun və məzmunlu olub. O, həm Putinin, həm də Orbanın məsələləri açıq şəkildə müzakirə edən, ölkələrinin mövqelərinə qətiyyətlə sadiq qalan və milli maraqları müdafiə edən praqmatik siyasətçilər olduğunu vurğuladı.



Baxış sayı: 23


Bölməyə aid digər xəbərlər