13:19 / 22-06-2024
İki uşaq kanalda boğulub
Bütün xəbərlər
Volqoqradda sərnişinlər taksi sürücüsünü döyərək öldürüblər
Tarix: 27-04-2024 14:31 | Bölmə: Siyasət

Volqoqradda 18 yaşlı taksi sürücüsünü vəhşicəsinə öldürməkdə şübhəli bilinən iki gənc saxlanılıb, İstintaq Komitəsinin regional İstintaq Komitəsi məlumat yayıb.
 Sabaha-inamla.az rus mətbuatına istinadən xəbər verir ki, İstintaqın məlumatına görə, aprelin 27-nə keçən gecə iki sərnişin taksi haqqını ödəməkdən imtina edib. Bu səbəbdən taksi sürücüsü işləyən 18 yaşlı gənclə şübhəlilər arasında münaqişə yaranıb. Zina Maresyeva küçəsindəki evlərdən birinin yaxınlığında əlbəyaxa dava zamanı həmin şəxslər oğlanı vəhşicəsinə döyüblər. O, aldığı xəsarətlərdən ölüb, müttəhimlər isə hadisə yerindən qaçıblar.
Hüquq-mühafizə orqanlarının əməkdaşları qısa müddətdə şübhəliləri saxlayıblar. Onların 21 və 29 yaşlı Volqoqrad sakinləri olduğu üzə çıxıb.
Onların barəsində qəsdən sağlamlığa ağır zərər vurma, ehtiyatsızlıqdan zərərçəkmiş şəxsin ölümünə səbəb olma maddəsi ilə cinayət işi açılıb.
Şübhəlilər saxlanılıb, onların həbsi ilə bağlı məsələ həll edilir.


Baxış sayı: 176


Bölməyə aid digər xəbərlər